Бугун Ўзбекистон бўйлаб олий ўқув юртларига кириш учун тест синовлари ўтказилиши муносабати билан уяли телефон операторлари айрим алоқа хизматлари ўчириб қўйилди.
Эрталаб соат 8:30дан 13:30гача SMS, MMS, WAP ва GPRS хизматлари ишламади.
Мазкур чора-тадбирларнинг абитурентларнинг синов пайти шпаргалкалардан фойдаланиши ва бошқа тур сохтакорликлар олдини олиш мақсадида амалга оширилаëтгани билдирилди.
Самарқанддаги тест синовлари манзараси
Самарқанддаги тест синовлари манзараси
Озодлик мобил мухбири хабари
Тошкентдаги Аграр ва Педиатрия олийгоҳларини кузатдим. Одам ниҳоятда кўплигидан эрталабдан йўлларда тирбандлик кузатилди. Одамлар тушликдан сўнг соат 16ларга бориб тарқалди.
Институтларга кириш кўчалари катта юк машиналари билан беркитиб қўйилган эди. Олийгоҳлар ўнгида милиция ходимлари кўп эди. Олийгоҳлар ўнгида ота-оналар ва кузатувчилар учун яхши шароитлар муҳай этилганини кўриш мумкин эди.
Овқатланиш ва яхна ичимликлар сотиш йўлга қўйилганди. Харидорларнинг кўплигидан 1.5 литрли сувлар уч минг сўмдан сотилди. Одатда бу миқдор сув дўконларда 1,200-1,500 сўм туради.
Ошкора ҳийлалар
Озодлик Ўзбекистонда олий ўқув юртларига кириш имтиҳонлари пайтида ошкора қонунбузарликларни аниқлади. Озодлик видеосида Самарқанд шаҳридаги олийгоҳлардан бирида баъзи абитурентларнинг қўл телефонлари ва шпаргалкалардан очиқча фойдаланаётгани тасвирланган. Айни ҳолат Озодлик мобил мухбирларига кўра, Ўзбекистоннинг аксар олийгоҳларига кириш синовлари пайтида кузатилган. Видео лавҳани томоша қилинг.
