Qashqadaryo viloyat prokuraturasi tomonidan B.Isamovga nisbatan JKning 25,97-moddasi 1-qismi bilan qo‘zg‘atilgan jinoyat ishi yuzasidan olib borilgan dastlabki tergov harakatlari tamomlandi, deb xabar qildi O‘zbekiston Respublikasi Bosh prokuraturasi.
Bundan tashqari, tergov davomida Yakkabog‘ tumani xokimining o‘rinbosari M.Tuymayevning xatti-harakatlariga huquqiy baho berilib, unga nisbatan JKning 192[1]-moddasi 3-qismi “a” bandi va 206-moddasi 2-qismi “a” bandi bilan ayblov e’lon qilingan hamda munosib xulq-atvorda bo‘lish haqidagi “tilxat” ehtiyot chorasi qo‘llanilgan.
"Jinoyat ishi qo‘zg‘atilishiga, 2019 yil, 20 iyulida B.Isamov Yakkabog‘ tumanidagi “Eski Yakkabog‘” qo‘rg‘oni ko‘chalarida obodonlashtirish va qurilish ishlari jarayonida tuman hokimining o‘rinbosari M.Tuymayevning yuz qismiga benzin sepib, uni yoqib yuborib, o‘ldirishga suiqasd qilganligi holati yuzasidan to‘plangan hujjatlar asos bo‘lgan" deyiladi xabarda.
Bosh prokuraturaga ko‘ra, B.Isamov JKning 25, 97-moddasi 2-qismi “g,l” bandlari bilan ayblanuvchi tariqasida ishda ishtirok etishga jalb qilinib, sudning ajrimiga asosan ehtiyot chorasi sifatida “qamoq” qo‘llanilgan.
Mamlakat prokuraturasining xabar qilishicha, Tergov davomida o‘tkazilgan sud psixologiya ekspertizasining xulosasiga ko‘ra, ayblanuvchi B.Isamov mazkur jinoyatni sodir qilgan vaqtida kuchli ruhiy hayajonlanish holatida bo‘lgan.
Yuqoridagilarga ko‘ra, ayblanuvchi B.Isamovga nisbatan e’lon qilingan ayblov JKning 25, 98-moddasiga qayta malakalanib, qo‘llanilgan “qamoq” ehtiyot chorasi, “garov” ehtiyot chorasiga o‘zgartirilgan.
Bosh prokuraturaga ko‘ra, tergov davomida Yakkabog‘ tumani xokimining o‘rinbosari M.Tuymayevning xatti-harakatlariga huquqiy baho berilib, unga nisbatan JKning 192[1]-moddasi 3-qismi “a” bandi va 206-moddasi 2-qismi “a” bandi bilan ayblov e’lon qilingan hamda munosib xulq-atvorda bo‘lish haqidagi “tilxat” ehtiyot chorasi qo‘llanilgan.
Bosh prokuraturaning xabar qilishicha, jinoyat ishi 30 avgustda ayblov xulosasi bilan JIB Yakkabog‘ tumani sudiga yuborilgan.
- Yakkabog‘ tumani xokimining o‘rinbosari M.Tuymayev qanday jazolanishi mumkin?
- Jinoyat kodeksining 192-1- moddasi "Xususiy mulk huquqini buzish" jinoyati nazarda tutilgan bo‘lib, uning "a" bandi bo‘yicha ko‘p miqdorda zarar yetkazgan holda deb malakalanadi va bu holatda jazo quyidagicha belgilangan:
- "eng kam oylik ish haqining uch yuz baravaridan besh yuz baravarigacha miqdorda jarima yoki muayyan huquqdan mahrum qilib, uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanadi".
- Jinoyat kodeksining 206- moddasida Hokimiyat yoki mansab vakolati doirasidan chetga chiqish jinoyati nazarda tutilgan, moddaning 2- qismida quyidagi jazo belgilab qo‘yilgan:
- eng kam oylik ish haqining uch yuz baravaridan olti yuz baravarigacha miqdorda jarima yoki muayyan huquqdan mahrum qilib, ikki yildan besh yilgacha ozodlikni cheklash yoxud besh yilgacha ozodlikdan mahrum qilish bilan jazolanadi.
- Qashqadaryo viloyat Yakkabog‘ tumanidagi tadbirkor Bahriddin Isomov 20 iyul kuni kreditga qurilgan ikki qavatli yangi do‘koni va sexini traktor bilan buzmoqchi bo‘lgan tuman hokimi o‘rinbosarining ustiga benzin sepib¸ yoqib yuborgan edi.
- Bu voqea haqida birinchi bo‘lib xabar bergan Ozodlikning maqolasidan keyin tumanning avvalgi hokimi Shohmurod Donayev, hokim o‘rinbosari Mansur Tuymayev ishdan olingandi.
