Зеленский янги баёнотининг муҳим нуқталари
Беларус ҳақида:
“Александр Лукашенко билан телефон орқали сўзлашдик. У билан икки йилдан бери гаплашмагандим, бугун узоқ ва батафсил сўзлашдим. Биз бир-биримиз билан тўқнашишимиз мумкин эмаслигини атрофлича тушунтирдим. Украинага Беларусдан ракеталар, учоқлар, вертолётлар учиб келишини истамайман. Беларусдан бизнинг устимизга қўшин келишини хоҳламайман. Ва Лукашенко бундай бўлмаслигига мени ишонтирди”.
Музокаралар ҳақида
“Лукашенко мендан Украина ва Россия делегациялари Припять дарёси бўйида учрашишига розилик беришимни сўради. Таъкидлаб айтаман: ҳеч қандай шартларсиз. Сизлардан яширмайман, бу учрашув натижасига умидим ҳамин қадар, лекин, майли, уриниб кўришсин. Токи Украинанинг ҳеч бир фуқароси “кичкина бўлса ҳам имконият борлигида урушни тўхтатишга ҳаракат қилмади”, дея мендан гина қилмасин. Ҳозирча йигитлар музокарада, президент шу ерда, офис раҳбари ва бош вазир шу ерда, армия ҳам шу ерда. Бош қўмондон ўз ўрнида. Биз ҳаммамиз давлатимизни ва чегараларимизни ҳимоя қиламиз”.
Ҳарбийлар ҳақида
“Қўлида қурол тутган ҳарбийларимизга юз минг гривнадан ойлик тўлаймиз, токи улар мамлакатнинг миннатдорлигини аниқ билсинлар. Уруш тугагунча шундай бўлади”.
“Орзу” айрилиғи ҳақида
“Кеча биз “Мрия”(“Орзу”)миздан маҳрум бўлдик (дунёда энг катта транспорт учоғи ва ягона нусхада ишлаб чиқарилган Ан-225 “Мрия” назарда тутилмоқда – у кеча ракета тушиб, ёниб кетди). Аммо бу эски Мрия эди. Янги “Орзу”мизни биз мана ҳозир қуряпмиз”.
Путинга импичмент эълон қилиш ташаббусини 150 минг одам қувватлади
Россия Давлат думасидан президент Путинга импичмент эълон қилиш сўралган петицияни 150 мингдан ортиқ одам имзолади.
Петиция change.org сайтида бормоқда ва энг кўп имзоланаётган акциялардан биридир.
Петиция муаллифлари Путинни "давлатга хиёнат" ҳамда "Украинага бостириб кириш орқали ҳарбий жиноят содир этганлик"да айбламоқда.
Россия конституциясининг 93-моддасида, бу икки жиноятни содир этган давлат раҳбарига импичмент эълон қилиш кўзда тутилган.
УНИАН: 4 кунлик урушда 16 бола қурбон бўлди
Украина соғлиқни сақлаш вазирит Виктор Ляшко, 4 кунлик жанг ҳаракатлари давомида жами 16 бола қурбон бўлганини маълум қилди.
"Туну кун тиббий ёрдам кўрсатяпмиз, жароҳатланганларни операция қиляпмиз, уларнинг ҳаётини сақлашга уриняпмиз. Болаларни ҳам операция қилпмиз. Афсуски, 16 болани сақлаб қололмадик. Бу рус армияси қилмишларининг натижасидир, буни армия, деб айтиб ҳам бўлмайди", дея вазирдан иқтибос келтиради УНИАН агентлиги.
Қуйида ОХМАДЕТ (Оналик ва болаликни ҳимоя қилиш) шифохонаси шифокори Сергей Чернишук билан суҳбатни томоша қилишингиз мумкин:
ТИВ: 600 ўзбекистонлик Львовдан Польша чегарасига етказилди
Ўзбекистонликларнинг яна бир гуруҳи Украина-Польша чегарасидаги «Краковец-Карчова» назорат-ўтказиш пункти сари йўлга чиқди.
Ўзбекистон Ташқи ишлар вазирлиги матбуот котибига кўра, шу вақтгача 600дан зиёд Ўзбекистон фуқаролари Польша чегарасига етказилган, улар бир-кетин чегарадан ўтказилмоқда.
27 февраоь, соат 16:00га қадар 110 фуқаро Польшага кириб бўлган. Тез орада, ўзбекистонликларнинг Катовице шаҳри аэропортидан Ўзбекистонга учирилиши кутилмоқда.