Ирпинда аҳоли уйлари ўққа тутилган
Телеграмда Ирпин шаҳрида (Киев вилоятидаги Киев шаҳри билан чегарадош шаҳар) турар-жой биноларининг ўққа тутилиши ҳамда уларнинг оқибатлари акс этган фотосурат ва видеолар эълон қилинди.
БМТ: Украинада 331 нафар тинч аҳоли вакили ҳалок бўлди
Украинада 331 нафар тинч аҳоли вакили ҳалок бўлди, 675 нафари яраланди, дея маълум қилди БМТ Инсон ҳуқуқлари бошқармаси.
Ташкилотга кўра, қурбонларнинг реал сони бундан ҳам кўпроқ бўлиши мумкин.
Revolt Россия ва Беларусга пул ўтказмаларини тўхтатди
Revolt молиявий хизмати фойдаланувчилари Россия ва Беларусга пул ўтказмаларини амалга ошира олмаслиги, шунингдек, ушбу мамлакатлардан пул қабул қила олмаслиги ҳақида билдиришномалар олади.
Россия қўшинлари босиб олган Мелитопол аҳолиси яна Украина байроқлари билан кўчага чиқди.
Россия босқинига қарши намойишлар ишғол қилинган Приморск ва Херсонда ҳам бўлиб ўтди, деб хабар беради “Хромадске”.