Киев вилоятидаги Ирпень шаҳри орқали эвакуация қилинаётган тинч аҳоли.

Россия Украина шаҳарларини вайрон қилмоқда. Урушнинг ўн иккинчи куни

феврал 27, 2022

Россиянинг Украинага босқини давом этмоқда. БМТга кўра, Россия босқини бошланганидан бери Украинани тарк этганлар сони 1 миллиондан ошган.
БМТга аъзо 193 давлатдан 141 таси Россиянинг Украинага босқини қораланган резолюцияни қўллаб овоз берди. Ўзбекистон овоз беришда қатнашмаган.
Сингапур Россия банкларига қарши санкциялар киритди ва икки томонлама маҳсулотларни экспорт қилишни тақиқлади.
Samsung Россияга маиший техника,телефонлар ва чиплар етказиб беришни тўхтатди.
"Роскомнадзор" Facebook ва Тwitterни блоклади.
АҚШ, ЕИ, Буюк Британия ва бошқа кўплаб мамлакатлар Москвага қарши янги-янги иқтисодий санкцияларни жорий қилмоқда. Европа рус учоқларига осмонини ёпди, Туркия эса Босфор бўғозини Россия ҳарбий кемалари учун ёпиб қўйди.
Германия Европа Иттифоқи санкцияларига тушган асли ўзбекистонлик миллиардер Алишер Усмоновнинг 156 метрли яхтасини ҳибс қилди.
38 давлат Украинадаги эҳтимолий уруш жиноятларини тергов қилишни сўраб Ҳаагадаги Халқаро жиноят судига мурожаат қилган.

Украина кучлари Харьковда қарши ҳужумга ўтмоқда, Черниговда рус учоғи уриб туширилган

Украина Қуролли кучларининг қуруқликдаги кучлари Харьков яқинида қарши ҳужум бошланганини эълон қилди.

Бундан ташқари, украин кучлари Чернигов яқинида Россия ҳарбий-ҳаво кучлари самолёти йўқ қилинган. Бу ҳақдаги хабар Украина қуруқликдаги қўшинларининг Facebook саҳифасида пайдо бўлди.

Россия ҳарбий учоғи уриб туширилгани акс этган видеони УНИАН нашри ҳам эълон қилди.

Украина расмийлари: Россия ўн кунда 10 мингдан ортиқ аскарини йўқотган

Украина Қуролли кучлари Бош штаби Россия қуролли кучларининг босқин бошланганидан бери йўқотишлари 10 минг кишидан ошганини маълум қилди. Худди шу рақамларни 5 март куни Украина президенти Владимир Зеленский ҳам ўз чиқишида келтириб ўтган эди.

Россия Федерацияси Мудофаа вазирлиги ҳозиргача Украинада 498 нафар россиялик ҳарбийнинг ҳалок бўлганини расман тан олди.

Россияга қарши халқаро санкцияларга Сингапур ҳам қўшилди

Сингапур Украинадаги тажовузкорлиги сабабли Россияга қарши халқаро санкцияларга қўшилди.

Санкциялар электроника ва компютерлар каби икки мақсадли маҳсулотларни экспорт қилишни тақиқлашни ўз ичига олади.

Россиянинг ВТБ, Россия, Промсвязбанк ва ВЕБ. РФ банклари ҳам санкциялар остида қолди. Ушбу банклар билан ҳар қандай операциялар тақиқланади ва уларнинг Сингапурдаги активлари музлатилади.

Чекловларни четлаб ўтиш учун криптовалюта операциялари ҳам тақиқланади.

Украина ва Россиянинг эрталабки хабарларида айтилган асосий жиҳатлар:

Украина Бош штаби: Россия бўлинмалари руҳий тушкунликка тушди, аскарлар таслим бўлишда давом этмоқда, Россия армияси тинч аҳолига қарата ўт очишда давом этмоқда, Украина қўшинлари барча йўналишларда позицияларни эгаллаб турибди ва баъзи йўналишларда қарши ҳужум бошлаган.

Россия Федерацияси Мудофаа вазирлиги: ДХР кучлари 27 километр олдинга силжиди, Мариупол атрофидаги ҳалқа қисқармоқда, Россия ҳарбийлари бир кунда 10 та аҳоли пунктини назоратга олди ва Житомирдаги "Jevelin" танкга қарши ракета тизимлари сақланадиган ўқ-дорилар омборини йўқ қилди.

Давомини ўқинг