Киевда кучли портлаш
Украина оммавий ахборот воситалари Киевда кучли портлаш акс этган видеони тарқатмоқда. Қурбонлар ҳақида маълумот йўқ. Портлаш Беларусда Украина-Россия музокараларининг биринчи давраси тугагани ортидан рўй берди.
Киевлик журналист Роман Сухан Current Time телеканалида Киев шаҳрининг ғарбий қисмида Гостомел, Ирпен ва Буча яқинида портлашлар содир бўлганини тасдиқлади.
Подоляк: Музокаралар оғир кечди
Россия билан музокаралар қийин кечди, бироқ Москва бу сафар “мажбурий ултиматумлар” қўймади, деб ёзди Украина президенти девони раҳбари маслаҳатчиси Михаил Подоляк Твиттерда.
Россия-Украина музокаралари. Қақшатқич жанглар давом этмоқда сарлавҳа
Блинкен Марказий Осиё ташқи ишлар вазирлари билан Украина масаласини муҳокама қилди
АҚШ Давлат котиби Энтони Блинкен бугун Қозоғистон, Қирғизистон, Тожикистон ва Ўзбекистон ташқи ишлар вазирлари билан суҳбатлашган.
АҚШ Давлат департаменти сайтида билдирилишича, Блинкен суҳбат давомида Россиянинг Украинага қасддан, сабабсиз ва асоссиз ҳужумини кескин қоралаган ва Украина халқи билан бирдамлигини билдирган.
Давлат котиби Блинкеннинг Твиттерда ёзишича, марказий осиёлик ҳамкасблари билан учрашувларда икки томонлама муносабатларга 30 йил тўлишини эслатиб, Қўшма Штатлар Марказий Осиё давлатлари суверенитети, мустақиллиги ва ҳудудий яхлитлигини қўллаб-қувватлаши, C5+1 минтақавий ҳамкорликнинг халқлар учун муҳимлигини таъкидлаган.