Украиналиклар Россия армияси отган 50 та ракетадан 44 тасини уриб туширди
Россия армияси 31 октябрь тонгидан Украинанинг энергетик инфратузилмасини ўққа тута бошлаган.
Украина Қуролли кучлари маълумотига кўра , россиялик ҳарбийлар отган 50 та ракетанинг 44 таси ҳавога қарши мудофаа тизими томонидан уриб туширилган.
Эрталабки ҳужум ортидан Киев вилоятининг бир қисми узоқ вақтга электр таъминотисиз қолгани ҳақида айтилмоқда.
Жаҳон бозорида ғалла нархлари кескин кўтарилди
Bloomberg агентлигининг хабар беришича, Россия Украинадан денгиз орқали дон экспорт қилиш келишувидан чиққани оқибатида жаҳон бозорида ғалла нархлари кескин кўтарилди.
Чикаго биржасида ғалланинг бир бушели 31 октябрда 7,7 фоизга кўтарилиб, 8,9325 долларни ташкил қилди. Сингапур биржасида эса нарх 5,9 фоизга ўсди.
Маккажўхори 2,8 фоизга, соя мойи 3 фоизга қимматлади. Бу эса озиқ-овқат маҳсулотлари нархлари инфляциясини ҳамда жаҳонда очарчиликни кучайтириши мумкин.
29 октябрда Россия Мудофаа вазирлиги Москва Украинага ўз донини Қора денгиз орқали экспорт қилиши имконини берган ташаббусни тўхтатишга қарор қилгани тўғрисида билдирган эди.
Вазирликка кўра, Қора денгиз флоти ва бошқа кемалар, жумладан, Қора денгиз "дон йўлаги" хавфсизлигини таъминлаш билан шуғулланувчи кемалар Украина дронлари ҳужумига учраганидан кейин шундай қарор қабул қилинган.
30 октябрда Россия “дон йўлаги”ни тўсиб қўйгани ортидан Украина денгиз орқали ғалла экспортини тўхтатишга мажбур бўлди.
Украина президенти Владимир Зеленский Россия сентябрь ойидаёқ озиқ-овқат инқирозини чуқурлаштира бошлаган. Унга кўра, бугунги кунда “дон йўлаги”да 176 кема қамалиб турибди. Жазоир, Миср, Яман, Бангладеш, Вьетнам ва бошқа давлатларга ғалла олиб чиқиши керак бўлган кемалар уч ҳафтадан бери йўлини давом эттира олмаяпти.
Европа Иттифоқи Россияни ўз қарорини бекор қилишга чақирди. АҚШ президенти Жо Байден Москва қарорини “жуда ёмон қарор” деб атади.
22 июль куни Россия ва Украина Туркия ва Бирлашган Миллатлар Ташкилоти билан Қора денгиздаги учта муҳим портдан озиқ-овқат ва ўғит экспортига йўл очиш тўғрисида шартнома имзолаган эди.
Huawei Россияни бутунлай тарк этмоқда
Хитойнинг Huawei ширкати Россияга тўғридан-тўғри смартфонлар етказиб беришни тўхтатди ва Россия бозорини тарк этиши кутилмоқда.
Озодлик радиоси рус хизматининг билдиришича, ҳозирча ширкат дўконларида мазкур бренд остидаги смартфонлар сотилишда давом этмоқда, бироқ улар аввал Россияга олиб кирилган ва омборда сақланган ортиқча маҳсулот эди.
Таҳмин қилинишича, Huawei Россияга онлайн орқали маҳсулот сотишни ҳам тўхтатади, яъни ширкат Россиядаги интернет дўконларини ҳам ёпади.
Украина денгиз орқали ғалла экспорт қилишни тўхтатди
Россия “дон йўлаги”ни тўсиб қўйгани ортидан Украина денгиз орқали ғалла экспортини тўхтатишга мажбур бўлди. Бу ҳақда Украина инфраструктура вазири Александр Кубраков маълум қилди.
У твиттер саҳифасида Оддесса бандаргоҳида IKARIA ANGEL кемаси қамалиб қолганини ёзди. Унга кўра, кема 40 минг тонна ғаллани Эфиопиянинг очлик ёқасида қолган аҳолисига етказиб бериши лозим эди.
29 октябрда Россия Мудофаа вазирлиги Москва Украинага ўз донини Қора денгиз орқали экспорт қилиши имконини берган ташаббусни тўхтатишга қарор қилгани тўғрисида билдирган эди.
Вазирликка кўра, Қора денгиз флоти ва бошқа кемалар, жумладан, Қора денгиз "дон йўлаги" хавфсизлигини таъминлаш билан шуғулланувчи кемалар Украина дронлари ҳужумига учраганидан кейин шундай қарор қабул қилинган.
30 октябрь куни Украина ташқи ишлар вазири Дмитрий Кулеба Россияни эришилган келишувни бузганликда айблади ва халқаро ҳамжамиятни Россиядан ўз мажбуриятларини бажаришни талаб қилишга чорлади.
Украина президенти Владимир Зеленский Россия сентябрь ойидаёқ озиқ-овқат инқирозини чуқурлаштира бошлаган. Унга кўра, бугунги кунда “дон йўлаги”да 176 кема қамалиб турибди. Жазоир, Миср, Яман, Бангладеш, Вьетнам ва бошқа давлатларга ғалла олиб чиқиши керак бўлган кемалар уч ҳафтадан бери йўлини давом эттира олмаяпти.
Европа Иттифоқи Россияни ўз қарорини бекор қилишга чақирди. АҚШ президенти Жо Байден Москва қарорини “жуда ёмон қарор” деб атади.
22 июль куни Россия ва Украина Туркия ва Бирлашган Миллатлар Ташкилоти билан Қора денгиздаги учта муҳим портдан озиқ-овқат ва ўғит экспортига йўл очиш тўғрисида шартнома имзолаган эди.