Коррупция музейига ҳужум. Киевда Януковичнинг ноёб автомобиллар коллекцияси вайрон қилинди
Россия томонидан амалга оширилган ҳужум оқибатида Украина собиқ президенти Виктор Януковичга тегишли ноёб автомобиллар коллекцияси бутунлай вайрон бўлди.
1
Киев вилояти ҳарбий маъмурияти рус дронлари илгари Януковичнинг қароргоҳи бўлган бинога зарба бергани ва автомобиль коллекциясига шикаст етказганини маълум қилди.
Ҳужум оқибатлари акс этган суратларда ҳашаматли резиденцияда сақланган автомобилларнинг буткул вайрон бўлганини кўриш мумкин.
Ҳужум оқибатлари акс этган суратларда ҳашаматли резиденцияда сақланган автомобилларнинг буткул вайрон бўлганини кўриш мумкин.
2
Коллекциядаги энг ноёб автомобиллардан бири – Совет даврида ишлаб чиқарилган ЗИЛнинг ҳужумдан кейинги кўриниши. Киев расмийларининг таъкидлашича, ҳужум мобайнида тушган вайроналар автомашиналарга жиддий зарар етказган.
3
Виктор Янукович 2010-2014 йилларда Украина президенти бўлган. Майдон воқеаларида ҳокимиятдан ағдарилган Янукович Москвага қочган. Киев ташқарисида жойлашган «Межигорье» қароргоҳи эса “коррупция музейи”га айлантирилган.
4
Киев ҳарбий маъмурияти тарқатган маълумотга кўра, Россия дрон ҳужуми натижасида 9 та автомобиль бутунлай вайрон бўлган, яна 27 та машинага жиддий зарар етган.
