Мустақил Комиссия аъзоси: Бунақа комиссия илгари ҳеч қачон тузилмаган!
Қорақалпоғистон Республикасида юз берган ҳолат ва воқеаларни ўрганиш бўйича Комиссия аъзоси, Ўзбекистон Инсон ҳуқуқлари "Ҳуқуқий таянч" жамоат бирлашмаси раиси Аъзамжон Формонов "Америка овози"га интервью берди.
Нукус воқеалари бўйича суд маҳкамаси пайшанбага қолдирилди
Газета.уз нашри хабарича, Қорақалпоғистон воқеалари юзасидан ўтказилаётган суд чоршанба куни тушга қадар давом этди.
Бунга Даулетмурат Тажимуратовнинг эрталаб икки марта бурни қонаши оқибатида ўзини ёмон ҳис қилаётгани, шунингдек бошқа бир судланувчининг адвокати йўқлиги сабабли суд ишида танаффус эълон қилинди.
Суд пайшанба, 1 декабр соат 9:00 да давом этади.
Мустақил комиссия барча суд жараёнларини кузатиб боради
Қорақалпоғистон воқеалари бўйича тузилган мустақил Комиссия аъзолари бошланган суд жараёнларининг барчасида иштирок этадилар.
Комиссия аъзолари орасида ҳуқуқ ҳимоячиси Аъзам Фармонов ва Олий Мажлис Қонунчилик палатаси Спикерининг ўринбосари депутат Алишер Қодировлар бор.
Мустақил комиссия аъзоси: Қийин ва оғир муҳит… Пушаймонлик, афсус, надомат.
Мустақил комиссия 2022 йил июль ойида Қорақалпоғистон Республикасида юз берган ҳолат ва воқеаларни ўрганиш бўйича комиссия аъзоси, Олий Мажлис Қонунчилик палатаси Спикерининг ўринбосари, "Миллий тикланиш" ДП Марказий Кенгаши раиси Алишер Қодировнинг Бухорода бўлиб ўтаётган суд маҳкамасининг иккинчи кунига оид мулоҳазаларини чоп этди.
"Бугун судланувчиларнинг кўрсатмаларини эшитиш бошланди.
Эшитув судланувчи Турдановнинг кутилмаган баёноти билан бошланди: у барча судланувчилар номидан судланувчи Тажимуратовни улардан алоҳида ўтказишни сўради. Судланувчи Тажимуратовни қолганларни “хоинлар”, “қўрқоқлар” деб ҳақорат қилгани судланувчилар орасида жанжалга сабаб бўлиши мумкинлигидан огоҳлантирди.
Суд, ички ишлар ходимларини тартибни сақлашга тайёр эканликларини айтиб, илтимосни рад этди.
Биронта судланувчи ўзи гапини тугатмагунча тўхтатилмаяпди. Қийин ва оғир муҳит… Пушаймонлик, афсус, надомат.
Кимдир туғилган фарзандини кўзи билан кўрмаган, кимдир
узоқ тайёргарлик кўрган жаҳон чемпионатида иштирок этолмади, кимдир Британияга ўқишга кетиши керак эди, кимнингдир онаси оғир касал…
Судья процесс талабларига метиндек амал қилаяпти.
Судланувчи Каллиханова жуда таъсирчан гапирди. Тартибсизликларда вафот этган ҳар бир инсонни виждонига юк сифатида қабул қилганини, буни ҳеч қандай қамоқ жазоси кетказаолмаслигини айтиб йиғлаб юборди: “Биз жуда жиддий хато қилдик!Мамлакатимизга тош отдик, мамлакатимиз эса бизга уч маҳал иссиқ овқат бериб, иссиқ-совуғимизни ўлчаб ўтирибди. Жудаям пушаймонман… “
Судланувчи Тажимуратов судланувчиларга савол бериш ҳуқуқидан жуда самарали фойдаланаяпди, деярли барча кўрсатмалардан кейин судланувчиларга ўнлаб саволлар бериб, унинг ортидан эргашганларни жиноятчи эканликларини исботлаб беришга ҳаракат қилаётгандек таасурот уйғотмоқда…
Эртага кўрсатмаларни тинглаш давом эттирилади."
Форум