тел: +420 2 2112 3389 моб: +420 724 174 909 skype:sarvarusmon64
Москва областига иш излаб келаётган чет элликлар орасида турли касалликларга чалинганлар кўп ва Россия фуқароларига улардан сил ва заҳм каби хавфли касалликлар юқиш хавфи жуда катта. Москва область бош санитар врачи Ольга Гавриленконинг бу баёнотини “ЦентрИнформ” ахборот агентлиги ёйинлади.
“Жамият ва қонун”ни ҳар сафар бошлаётиб коса тагидаги нимкосаларни биламиз, деб иддао қиламиз. Иддао қиламизу мийиғимизда кулиб қўямиз. Сиз ҳам кулиб қўйсангиз керак. Билармиша, деб. Лекин Сиз бизнинг мақтанчоқлигимизни ҳар сафар кечирасиз. Чунки кўпинча ўша нимкосани кўрсатамиз ҳам.
Жорий йилнинг 9 ойи мобайнида 1449 киши одам савдоси билан боғлиқ жиноятлардан жабр тортди. Уларнинг 1283 нафари эркаклар, 166 нафари аёллар ҳамда 28 нафари вояга етмаганлардир. Бу ҳақда Ўзбекистон республикаси бош прокурори Рашид Қодировнинг айтганларига таяниб, 23 октябрь куни “ТрендНьюс” ахборот агентлиги хабар қилди.
22 октябрь куни Ўзбекистонда "Транспорт воситалари эгаларининг фуқаролик жавобгарлигини мажбурий суғурта қилиш тўғрисида"ги қонун кучга кирди. Мазкур ҳужжатни Ўзбекистон республикаси президенти бундан олти ой муқаддам – 21 апрель куни имзолаган эди. Баъзи маълумотларга қараганда, Ўзбекистонда қарийб 2 миллион автомобиль борлиги эътиборга олинадиган бўлса, 22 октябрь куни кучга кирган қонуннинг ўзбекистонликларнинг сезиларли қисмига дахли борлиги аён бўлади.
“Эрим одам эмас, ўсимликка ўхшаб қолибди, мени ҳатто танимади. У шу қадар ҳолдан тойганки, оғзига солинган луқмани ютишга кучи етмади”. Бу гапни Озодлик мухбирига “Серқуёш Ўзбекистон” коалицияси раиси Санжар Умаровнинг турмуш ўртоғи Индира Умарова айтди. Умарова хонимнинг айтишича, у 17 октябрь, жума куни Товоқсой колониясида эри билан учрашган.
Озод Европа/Озодлик радиоси президенти Жефф Гедмин қорақалпоғистонлик мустақил журналист, радиомизнинг собиқ мухбири Солижон Абдураҳмонов устидан чиқарилган суд ҳукмини кескин қоралади. Солижон Абдураҳмоновнинг адвокатлари, қатор халқаро ташкилотлар ва инсон ҳуқуқлари ҳимоячиларидан олинган маълумотлар ҳамда Ўзбекистондаги сўз эркинлиги ҳамда инсон ҳуқуқлари билан боғлиқ вазиятдан келиб чиқиб, Озодлик радиоси президенти Абдураҳмоновга нисбатан эълон қилинган айбловни “уюштирилган”, унинг устидан чиқарилган ҳукмни эса, “қонуннинг ўта қўпол бузилиши”, деб атади.
“Инсон ҳуқуқлари журналист нигоҳида”. Бу Ўзбекистонда эълон қилинган ижодий танлов мавзуи. Инсон ҳуқуқлари умумжаҳон декларациясининг 60 йиллиги муносабати билан ўтказилаётган мазкур танловда ўзбекистонлик журналистлар информацион-таҳлилий ва публицистик мақолалари, фотолавҳалари билан иштирок этиши мумкин.
http://gdb.rferl.org/ED749A66-83E8-4F54-BA7A-D0E88E0C0829_w203.jpg --> http://gdb.rferl.org/ED749A66-83E8-4F54-BA7A-D0E88E0C0829_mw800_mh600.jpg 2009 йили Россия 4 миллион легал меҳнат муҳожири қабул қилиши мумкин. Бу ҳақдаги ҳукумат қарори келаси ҳафтада, 15 октбярь куни қабул қилиниши кутилмоқда, деб хабар қилди "Время новостей" нашри. Ўтган ҳафтада, 3 октябрь куни эса, Россия ҳукумати раиси Владимир Путин бошқа бир қарорни имзолаган эди. Ўша ҳужжатга биноан легал меҳнат муҳожирларининг жорий йилда қабул қилинадиган миқдори 1,8 млн. кишидан 3,4 млн. кишига етказилди.
http://gdb.rferl.org/779BB4BF-C1EA-4744-A1DB-35C43D997E71_w203.jpg --> http://gdb.rferl.org/779BB4BF-C1EA-4744-A1DB-35C43D997E71_mw800_mh600.jpg "Сиз айтаётган мактуб битилган бланк вазирликнинг расмий бланки эмас, хат жўнатилган адрес вазирликнинг расмий электрон адреси эмас, хуллас, сиз айтаётган хат Ўзбекистон республикаси ташқи ишлар вазирлигининг хати эмас, унга вазирликнинг алоқаси йўқ". Бу жавобни 4 сентябрь, шанба куни Озодлик радиосига Ўзбекистон республикаси ташқи ишлар вазирлигининг ўзини Жаҳонгир, деб таништирган масъул ходими берди. Гап шундаки, 3 сентябрь, жума куни кечқурун бошқа ўнлаб адресатлар қатори Озодлик радиосига электрон почта орқали uzbekistanmfa@gmail.com деган электрон почтадан бир хат келиб тушди.
Тошкент шаҳар бош имом хатиби Анвар Турсуновнинг "Ўзбекистон овози" газетасига берган интервьюси мана шу фикр атрофига қурилган. Газетанинг 30 сентябрь сонида босилган суҳбатида пойтахт имоми¸ ёшларни мустақиллик берган неъматлар учун миннатдор бўлишга чақирган. 1 октябрь куни эса ўзбекистонлик ўқитувчилар ўзларининг касб байрамини нишонлади. Имом айтаётган миннатдорлик руҳини ёшларга сингдиришни мана 17 йилдирки¸ ўзбекистонлик ўқитувчилардан талаб қилаяптилар.
http://gdb.rferl.org/B28B4A7C-7878-40FA-8FBC-F8FDD741DF8F_w203.jpg --> http://gdb.rferl.org/B28B4A7C-7878-40FA-8FBC-F8FDD741DF8F_mw800_mh600.jpg Бу – бош қароргоҳи Норвегия пойтахтида жойлаган халқаро "Форум 18" ташкилоти Рамазон ҳайити арафасида – 30 сентябрь куни ўз сайтида ёритган мақола сарлавҳаси. Унда, асосан, Қорақалпоғистондаги воқеалар: сўнгги бир неча ой мобайнида бу республикада турли айбловлар билан бир неча масжид имоми, оддий намозхонлар ҳамда бошқа динларга эътиқод қилувчилар ҳибсга олингани, таъқибу тазйиқ қилингани тўғрисида сўз боради.
http://gdb.rferl.org/17F79DE7-F542-4B9C-A442-1867C0DD9020_w203.jpg --> http://gdb.rferl.org/17F79DE7-F542-4B9C-A442-1867C0DD9020_mw800_mh600.jpg Ўзбекистон республикаси халқ таълими тизимида шу кунда 1 миллионга яқин ходим, 7 миллиондан зиёд ўғил-қизга таълим ва тарбия бермоқда. Бу маълумотни президент Каримовнинг 1 октябрь – Ўқитувчилар куни муносабати билан ўқитувчи ва мураббийларга йўллаган табригидан олдик.
http://tbn0.google.com/images?q=tbn:yun2DMGO4zMfWM:http://news.ferghana.ru/photos/2008_01/paxta_kuprin1.jpg “Укам уларга ҳашарчи эмас, қул керак экан, мен шу нарсани билдим, деяпти”. Бу укасининг гапи. Укаси Жиззахдаги академик лицейнинг 2-курс талабаси. Талаба шу кунда Дўстлик туманидаги собиқ 13А-совхозда мактабдошлари билан пахта теримида бўлиши керак.
"Кечагина укам пахтадан қочиб келди ва 10 кун ичида бўлиб ўтган воқеаларни айтиб берди. Жуда, жуда даҳшат. Сизлардан илтимос, келиб биздан интервью олинглар, ортиқ тоқат қилиб бўлмайди. Дунё аҳли халқимнинг, ёшларнинг қанчалар қийналаётганини эшитиб қўйсин. Илтимос."
http://gdb.rferl.org/230FE9CD-FFCD-49B5-A905-50D33740A622_w203.jpg --> http://gdb.rferl.org/230FE9CD-FFCD-49B5-A905-50D33740A622_mw800_mh600.jpg Қашқадарё вилоят, Китоб туманидаги маиший хизмат коллежи ўқувчиси Сардор Аҳмедов дала шийпонида ўлдирилди. Бу ҳақда фожеа содир бўлган жой - Нишон тумани "Гулистон" фермерлар уюшмаси ҳудудида истиқомат қиладиган бир тингловчимиз хабар қилди. Сардор Аҳмедов 2008 йилги пахта йиғим-терими кампаниясининг жамоатчиликка маълум бўлаётган илк қурбонидир.
“Барибир ҳашарчи керак ака”. Бу гапни¸ пахта етиштирган ўзбекистонлик фермер айтаётганини ҳар бир ўзбекистонлик тушунди. Ўзбекистон президенти ўтган йили Жиззах вилоятига қилган сафари чоғида вилоятда етиштирилаётган пахта ҳосилининг ҳаммаси – 100 фоизи фермерлар қўли билан етиштирилганини мақтанган эди. Бугунга келиб, хабарларга қараганда, нафақат Жиззах, балки бутун Ўзбекистонда советча колхоз¸ совхоз қолмади.
Ўзбекистонлик мухолифатчилар ва инсон ҳуқуқлари ҳимоячиларидан бир гуруҳи, 18 сентябрь куни эрталаб ҳуқуқ-тартибот органлари ходимлари томонидан қўлга олиниб, Тошкент шаҳар, Мирзо Улуғбек туман ички ишлар бўлимига олиб кетилди. Бу ҳақда "Озодлик"ка расмий қайддан ўтказилмай келаётган "Озод деҳқонлар" партияси раҳбарияти аъзоси Баҳодир Намозов хабар қилди. Қўлга олинганлар номи зикр этилган партия томонидан уюштирилган икки кунлик конференцияга вилоятлардан таклиф қилинган эди. Қўлга олинганлар милиция идорасида 4 соат ушлаб турилганидан сўнг қўйиб юборилди.
"Мактаб ўқувчилари шу кунгача пахта теримига олиб чиқилмади" деган гапни Озодлик мухбири 16 сентябрь куни уч вилоят – Қашқадарё, Бухоро ва Жиззах вилоятларидаги тингловчиларимиздан эшитди. Маҳаллий раҳбарлар, афтидан, бош вазир Шавкат Мирзиёев 12 сентябрь куни имзолаган қарор талабларини оғишмай бажараётган кўринади. Бироқ...
"Бундан буён Россия паспортини чегарадаёқ, сўрамасангиз ҳам, берсалар керак." Давлат Думаси 10 сентябрь куни қабул қилган бир қонунга муносабат билдирар экан, бу гапни Россияда ишлаётган ўзбек меҳнат мигрантларидан бири айтди. Дума, чиндан ҳам постсовет республикалари фуқароларига Россия паспортини бериш тартибини фавқулодда осонлаштирди.
2008 йилнинг биринчи ярмида Ўзбекистондан Қозоғистонга атиги 428 тонна мева-сабзавот экспорт қилинди. Бу 2007 йилнинг биринчи ярмидаги кўрсаткичдан 21 баробар оздир.
Давомини ўқинг