Тел: +996 550528 555
Facebook: @elmurod.zhusupaliev
Бирлашган Миллатлар Ташкилотининг Озиқ-овқат дастури олиб борган тадқиқот натижасида Қирғизистонда 1 миллион 300 минг одам озиқ-овқат етишмаслиги шароитида яшаётгани аниқланди.
2012 йилдан бери биринчи марта Ўшдаги Бобур номидаги ўзбек академик мусиқали драма театри ўзининг янги мавсуми очилишини тантанали тарзда нишонлади. Жорий йилда 94-мавсумни очган театр минтақадаги энг кекса санъат даргоҳи ҳисобланади.
Қирғизистон жанубидаги Ўш ва Жалолобод вилоятларида миллатлараро низоларнинг олдини олиш мақсадида “Тинчликни сақловчи аёллар ташаббус гуруҳи” ташкил этилди. 160 аёлдан иборат мазкур гуруҳ турли миллат вакилларидан иборатдир.
Ўш вилоятининг Новқат туманида оиласини Афғонистонга мажбурий тарзда кўчириб кетишга ҳаракат қилгани айтилаётган шахс қўлга олинди. ЎИҲ аъзоси сифатида гумонланаётган бу шахс устидан унинг рафиқаси ҳуқуқ-тартибот тузилмаларига шикоят қилган.
Бу йилги ҳайит намозига Бишкек марказий майдонига ҳар йилгидан кўпроқ одам йиғилди, Ўшда эса 20 йилдан бери биринчи марта ҳайит намози шаҳар марказий майдонида ўқилди.
Қирғизистон ҳукумати АҚШнинг Тожикистондаги элчиси Сюзан Эллиотнинг Вашингтон Бишкек билан Америка ҳарбий транзит маркази ҳозирлиги юзасидан музокаралар бошлагани ҳақидаги баёнотини рад этди.
Қирғизистон ҳукумати мустақиллик йиллари мамлакатдан олиб чиқиб кетилган катта миқдордаги маблағларни қайтармоқчи. Мутахасисларга кўра, Қирғизистондан ноқонуний йўллар билан олиб чиқиб кетилган маблағларнинг бир қисми Швейцария банкларида сақланмоқда.
Қирғизистон Бош прокуратураси Ҳаж зиёратига бормоқчи бўлганлар мамлакат ҳудудида ноқонуний эмлангани юзасидан жиноят иши очди. Аввалроқ ўшлик Пирдавсхоновлар оиласи эмлаш туфайли онаси вафот этганини иддао қилган эди.
Ўртаҳол қирғизистонлик бир ойлик даромадининг 65 фоизини, қашшоқ оилалар эса 80 фоизини озиқ-овқат сотиб олишга ҳаржлашга мажбур бўлмоқда.
Қирғизистонда ҳокимиятни куч билан босиб олишга ҳаракат қилганликда айбланиб ҳибс қилинган учта парламент депутатидан бири бўлган Қамчибек Ташиев қамоқхонада очлик эълон қилди.
Бишкекда, Жалолободда ва Иссиқкўлда ҳокимиятни куч билан босиб олишда айбланиб 4 октябрда ҳибс қилинган парламентнинг уч депутати тарафдорлари ўтказаётган норозилик тадбирлари давом этмоқда.
Қирғизистонда Вашингтон ва Бишкек талаби билан Лондонда қўлга олиниб, кейин гаров эвазига озодликка чиқарилган собиқ президентнинг ўғли Максим Бакиев масаласи қизғин баҳс-мунозараларга сабаб бўлмоқда.
Лондонда Қирғизистоннинг собиқ президенти Қурманбек Бакиевнинг Вашингтон ва Бишкек томонидан иқтисодий жиноятларда айбланаётган ўғли Максим Бакиев қўлга олинди. Уни АҚШга экстрадиция қилиш масаласи ўрганилмоқда.
Жалолободда ҳокимиятни куч билан босиб олишга уринишда айбланиб ҳибсга олинган парламентнинг уч депутатини озодликка чиқаришни талаб қилиб очлик эълон қилганлар сони 29 кишига етди.
Ўшда ҳаж сафарига чиқишдан олдин зиёратчиларнинг мажбурий эмланиши оқибатида қорасувлик бир аёл вафот этди, унинг турмуш ўртоғи эса оғир аҳволда касалхонага ётқизилди.
Қирғизистон Бош прокурори 3 октябрда халқни ҳокимиятни босиб олишга чақирган парламентнинг уч депутати 20 йилгача қамалиши мумкинлигни билдирди. Айни пайтда “Ата Мекен” партияси собиқ Бош вазир Ўмурбек Бабановни коррупцияда айбламоқда.
3 октябр куни халқни ҳокимиятни босиб олишга ундаганликда айбланаётган Қирғизистон парламенти депутатлари, “Ата Журт” партияси лидерлари Қамчибек Ташиев ва Садир Жапаров 48 соатга ҳибс этилди.
Бишкекда 3 октябр куни Оқ уй биноси олдида содир бўлган тартибсизликларда 10 одам жароҳатланди, улардан уч нафари яраланган.
Қирғизистон Бош прокуратураси Давлат алоқа агентлигига “Мен бесоқолбозман ва мусулмонман” ҳужжатли филмининг интернетда тарқалиши олдини олиш тўғрисида кўрсатма берди.
Қирғизистоннинг Жалолобод вилояти Олабуқа туманидаги маллатлараро вазият издан чиқмаслигини назорат қилиш учун туманга милиция қўшимча кучлари жўнатилди.
Давомини ўқинг
