Бу ҳақда Озодликка Мерожовнинг Новосибирскда яшайдиган акаси, Сибирь матлубот кооперацияси университети доценти Илҳом Мерожов хабар қилди.
Илҳом Мерожов: Бугун ҳукм чиқибди. Укам Икром Мерожовга тўққиз йил беришибди. Бошқаларга беш ярим-олти йилдан беришибди.
Озодлик: Бу ҳақда ким сизга хабар қилди?
Илҳом Мерожов: Мен уйга ота-онамга телефон қилган эдим.
Озодлик: Демак, ҳукм 29 апрел куни ўқилди-а?
- Шундай¸ деди Илҳом Мерожов.
Бухоро давлат университети ўқитувчиси, физика-математика фанлари номзоди Икром Мерожов ва у билан бирга судланган 8 киши 2008 йилнинг декабрида қўлга олинган эди.
Хабарларга қараганда, Мерожовнинг уйидан туркиялик ислом олими Бадиуззамон Саид Нурсийнинг қаламига мансуб "Рисолаи нур" китоби топилган.
Озодликдан маҳрум қилинганлар диний-экстремистик гуруҳ тузиш ва уни бошқаришда айбланаётган эди.
Мерожов ва бошқалар гуруҳи кейинги ойларда нурчиликда айбланиб, озодликдан маҳрум қилинган учинчи гуруҳдир.
Илҳом Мерожов: Бугун ҳукм чиқибди. Укам Икром Мерожовга тўққиз йил беришибди. Бошқаларга беш ярим-олти йилдан беришибди.
Озодлик: Бу ҳақда ким сизга хабар қилди?
Илҳом Мерожов: Мен уйга ота-онамга телефон қилган эдим.
Озодлик: Демак, ҳукм 29 апрел куни ўқилди-а?
- Шундай¸ деди Илҳом Мерожов.
Бухоро давлат университети ўқитувчиси, физика-математика фанлари номзоди Икром Мерожов ва у билан бирга судланган 8 киши 2008 йилнинг декабрида қўлга олинган эди.
Хабарларга қараганда, Мерожовнинг уйидан туркиялик ислом олими Бадиуззамон Саид Нурсийнинг қаламига мансуб "Рисолаи нур" китоби топилган.
Озодликдан маҳрум қилинганлар диний-экстремистик гуруҳ тузиш ва уни бошқаришда айбланаётган эди.
Мерожов ва бошқалар гуруҳи кейинги ойларда нурчиликда айбланиб, озодликдан маҳрум қилинган учинчи гуруҳдир.
