Санкт-Петербург шифохоналардан бирида оғир аҳволда қолаётган 6 нафар йўловчи исми-шарифи эълон қилинди:
А. Облонская - 20 ёшда;
С. Постнов - 41 ёшда;
М. Золнов - 58 ёшда,
Н. Мелибоев;
Д. Ульянов;
Александра З.-15 ёшда.
Метродаги портлашларда гумонланаётган шахс фотосурати маҳаллий ОАВда тарқалмоқда. Аммо махфий хизмат раҳбарияти бу шахсни атайлаб терговни издан уриш мақсадида қора дўппи кийиб, узун соқол қўйиб олганини айтмоқда.
Тарихчилар бундан роппа-роса 22 йил олдин, 1995 йилнинг 3 апрелида, ўша пайтдаги Россия президенти Борис Елцин буйруғи билан Россиянинг Федерал Контрразведка хизмати (ФСК) Федерал Хавфсизлик хизматига (ФСБ) айлантирилганини эсламоқда.
Сиёсатшунослар Петербургдаги портлашлар ортидан мамлакатда сиёсий ва диний қатағонлар авж олиши мумкинлигидан огоҳлантирмоқда.
Тергов Қўмитаси Россия Федерацияси Жиноят Кодексининг 205 (террорчилик акти) ва 223.1 (портловчи модда айирбошлаш) моддалари асосида жиноий иш қўзғатди.
2015 йилда Санкт-Петербург метрополитени хавфсизлигини таъминлаш мақсадида 1,3 миллиард рублга (~27 млн. АҚШ доллари) тенг маблағ сарфланган.