Bloomberg: Алишер Усмоновга санкция қўлланиши мумкин
Европа Иттифоқи санкция қўлланадиган россиялик миллиардерлар рўйхатини кенгайтириш масаласини кўриб чиқмоқда.
Bloomberg нашрининг ёзишича, муҳокамадаги рўйхатда Алишер Усмонов, Михаил Фридман, Петр Авен, Алексей Мордашов ва президент матбуот котиби Дмитрий Песковлар бор.
Хабар қилинишича, ҳозирча якуний қарор қабул қилинмаган ва рўйхатдаги номзодлар номи расман очиқлангани йўқ.
Аммо, ҳозирданоқ номи рўйхатга киритилган эҳтимолий номзодлар, жумладан Михаил Фридман ва Олег Дерипаска, урушга чиқишларни қилишни бошлашди.
Кличко: Киев гуманитар инқироз остонасида
Киев мэри Виталий Кличко Киев қуршовда қолгани ва эвакуация имконсиз экани ҳақида берган баёнотини ўзи рад этди.
Бироз муқаддам, унинг Киевдан чиқиш йўллари тўлиқ ёпилганини айтгани, хабар қилинганди.
Кличконинг баёнотини аввалига, унинг матбуот котиби Оксана Зиновьева "сафсата ва манипуляция" деб рад этди. Тез орада, Киев мэри ҳам баёнот беришини билдирди.
Орадан ҳеч қанча ўтмай, Кличко шаҳарнинг гуманитар инқироз ёқасида қолгани ҳақида баёнот тарқатди:
"Оқшом Россия интернет нашрлари менга таянган ҳолда, Киев қуршаб олингани ҳамда эвакуация имконсизлиги ҳақида хабар тарқатишди. Қизиғи, буни украин телеграм каналлари ҳам тарқатишди".
Киевдаги журналистлар, ҳозирда шаҳарга кириш-чиқиш учун камида битта катта йўл очиқ турганини хабар қилмоқда.
Украина ҳарбийлари: рус қўшинлари гуманитар қоидаларни бузяпти
Украина қуролли кучлари бош штаби, Россия қўшинлари гуманитар қоидаларини буззди, деб баёнот берди.
Қўмондонлик берган баёнотга кўра, рус ҳарбийлари "ижтимоий объектларни эгаллаб олмоқда, украин аскарлари, полициячилари ва фавқулодда вазиятлар вазирлиги ходими кийими билан юришипти, қўпорувчи гуруҳлар эса тиббий ёрдам машиналардан фойдаланмоқда".
Шунингдек, рус ҳарбийларининг болалар лагерлари ва мактаблар биносидан фойдаланаётгани ҳам айтилди.
Хавфсизлик кенгаши бош ассамблеяси душанба куни йиғилади
БМТ Хавфсизлик кенгаши бош ассамблеяси раиси Абдулла Шахид душанба куни махсус фавқулодда йиғилиш бўлишини маълум қилди.
Унда Украинадаги вазият бўйича резолюция лойиҳаси муҳокама қилинади.
Бундай сессиялар, Хавфсизлик кенгаши талаб қилганидан кейинги 24 соат ичида чақирилади.
БМТ тарихида бундай сессиялар 10 марта чақирилган. Булардан олтинчиси 1980 йилда - собиқ совет қўшинлари Афғонистонга бостириб кирганида чақирилган.
Иккинчиси эса, 1956 йилда - собиқ СССР томонидан Венгриядаги исён бостирилганда чақирилган.
