Путин Донецк, Луганск, Запорожье ва Херсон аннексиясини имзолади
Кремль, Украинанинг Донецк, Луганск, Запорожье ва Херсон вилоятларини Россиянинг бир қисми деб ҳисобламоқда.
5 октябрь куни, Владимир Путин ўзини “ДХР” ва “ЛХР” деб атовчи айирмачи республикалар, шунингдек Херсон ва Запорожье вилоятларининг босиб олинган ҳудудларини Россияга қўшиб олиш тўғрисидаги қонунларга имзо чеккани маълум қилинди.
Ушбу ҳужжатлар ҳуқуқий ахборот махсус интернет-порталида эълон қилини. Мазкур қонунлар асосида Россия Конституциясига ўзгартишлар киритилади, яъни унга Россия таркибига тўртта янги субъект қўшилгани қайд этилади.
Шунингдек, Владимир Путин, Денис Пушилинни – ўзини мустақил деб эълон қилган ДХР раҳбари вазифасини бажарувчи, Леонид Пасечникни – ўзини мустақил деб эълон қилган ЛХР раҳбари вазифасини бажарувчи, Евгений Балицкийни – Запорожье вилояти губернатори вазифасини бажарувчи ҳамда Владимир Сальдони Херсон вилояти губернатори вазифасини бажарувчи этиб тайинлади.
Бироқ Киевга кўра, Москва ҳалигача бу вилоятларнинг бирортасини тўлиқ назоратига ололмаган.
Сиёсатшунос Владимир Гельман, Россия ҳукумати ўзи аннексия қилган ҳудудларни бой бераётганини тан олишдан чўчияпти, деган фикрда.
“Ижтимоий тармоқларда “Лиман Россия Федерацияси таркибидан чиқди”, деб аския қилиб ётишибди. Чунки Украина Қуролли кучлари шаҳарни ўз назоратига олди. Ўйлайманки, бунақа аҳоли масканлари сони кун сайин ортишига гувоҳ бўламиз. Шу боис Россия ҳукумати бу мавҳумликни сақлаб қолишга тиришмоқда. Улар кечагина ўзиники деб эълон қилган ҳудуднинг бир қисмини қўлдан чиқарганларини тан олишдан қўрқишади”, деб ҳисоблайдик Гельман.
Юзлаб мобилизация қилинганлар чидаб бўлмас шароитда яшаётганларини айтди
Украина билан урушга мобилизация қилинган 500 га яқин россиялик видеомурожаат эълон қилиб, унда чидаб бўлмас шароитларда яшашага мажбур бўлаётганлари тўғрисида гапирдилар.
Чоршанба куни кечқурун ижтимоий тармоқларда пайбо бўлган видеода қўлига қурол ушлаган ҳарбий киймдаги кишилар Белгород яқинида поезддан тушиб қолганларини айтишди. Мурожаатда айтилишича, улар ҳеч бир ҳарбий қисм таркибига киритилмаган, кимиси қаерга жўнатилганини ҳам билишмайди. Мурожаатда ҳарбийлар ўзлари овқат сотиб олаётгани ва ўзларини таъминлаш учун шахсий пулларини ишлатишаётганини ҳам билдиришди.
АҚШда Украинани қўлловчилар сони кўпаймоқда
Америкаликларнинг тўртдан бир қисми Украинага кенг кўламли қўллов кўрсатиш, жумладан, қурол етказиб бериш, ҳарбийларни тайёрлашга кўмаклашиш зарур деб ҳисоблайди. Reuters/Ipsos ўтказган сўров натижасида мана шундай хулоса чиқарилди.
Сўралганларнинг 73 фоизи Россия АҚШга ядровий қурол билан таҳдид қилаётганига қарамай, Украинага кўмак кўрсатишда давом этиш зарур деб ҳисоблайди. Киевга қурол бериш тарафдорлари сони 66 фоизни ташкил қилган. Август ойида ўтказилган сўровда уларнинг сони 50 фоиз эди.
Сўровда иштирок этган америкаликларнинг 58 фоизи Россия билан ядровий конфликт содир бўлиши мумкинлигини этимолдан соқит қилмайди. Сўралганларнинг 68 фоизи эса Украинага Россия ҳудудига зарба бериши мумкин бўлган қурол тақдим этилган тақдирдагина ядровий уруш бўлиши мумкин деган фикрда.
Америкаликларнинг 68 фоизи кейинги сайловда Украинани қўлайдиган номзодга овоз беради
Reuters/Ipsos ўтказган сўровда иштирок этган америкаликларнинг 68 фоизи кейинги президентлик сайловида Украинага ҳарбий ёрдам беришда давом этадиган президент учун овоз беришларини билдирганлар.
Сўровда Украинанинг муаммолари АҚШга алоқадор эмас ва АҚШ бу урушда чеккада туриши керак, деб ўйловчи америкаликлар сони камайиб бораётгани ҳам аниқланди. Бу каби фикрловчилар август ойида 40 фоиз бўлса, охирги сўровда 35 фоизни ташкил қилди.
АҚШ Россия Украинага бостириб кирганидан бери Киевга деярли 17 миллиард долларлик ёрдам кўрсатди.