"Настоящее время" телеканалининг инаугурацияга бағишланган жонли дастури:
Трамп имзолаган фармонлар:
Трамп 6-январдаги ҳужумда 1500 га яқин одамни афв этди. У Адлия департаментига 2021 йилда Капитолийга қилинган ҳужум билан боғлиқ барча кўриб чиқилаётган ишларни тўхтатишни буюрди.
Шунингдек, Трамп ТикТок ижтимоий тармоғига оид фармонни имзолади. Трампнинг айтишича, ижро фармони унга ТикТокни сотиш ёки ёпиш ҳуқуқини беради. У бош прокурорга 75 кун давомида иш бўйича чора кўрмасликни буюрди.
Гренландия масаласида эса: "Халқаро хавфсизлик учун бизга керак бўлган ажойиб жой", деди. "Aммо Гренландия керак. Биз учун емас. Бу халқаро хавфсизлик учун керак. Ҳамма жойда рус қайиқлари бор. Ҳамма жойда Хитой қайиқлари бор", деди Трамп.
Трамп Ғазода Исроил ва ҲAМAС ўртасида ўт очишни тўхтатишга ишончи комил эмаслигини айтди. Унинг қўшимча қилишича, Ғазо катта вайронагарчиликка айланган: "У ҳақиқатан ҳам бошқача тарзда қайта тикланиши керак".
Қайта қуриш ишларида ёрдам бера оласизми, деган саволга: "Бўлиши мумкин. Бу денгиздаги ажойиб жой. Энг яхши об-ҳаво. Ҳаммаси яхши. Гўзал ишларни қилиш мумкин".
Президент Доналд Трамп, Байден маъмуриятининг Кубани терроризмга ҳомийлик қилувчи давлатлар рўйхатидан чиқариб ташлаш буйруғини бекор қилди. Белгиланиш мамлакатлар ва компаниялар учун рўйхатдаги ташкилотлар билан савдо қилиш ва банк операцияларини амалга оширишни қийинлаштиради.
Оқ уйнинг маълум қилишича, Трамп Байден даврида Ғарбий Соҳилдаги фаластинликларга зўравонлик қилган яҳудий кўчманчиларга нисбатан қўйилган санкцияларни бекор қилди.
Президент Байденнинг 2023-йилда Aрктиканинг 16 миллион акр майдонида нефт қазишни тақиқловчи меморандумини ҳам бекор қилди.
Трампнинг илк фармонлари
Президент Доналд Трамп ўз нутқида Байден маъмуриятининг айрим сиёсатларини ўзгартириб, янги қадамлар ташлашини айтди.
Буларга жумладан қуйидагилар киради:
- Трамп собиқ президент Жо Байденнинг сунъий интеллект сиёсати ҳақидаги фармонини бекор қилади.
- У ҳар бир агентликка Байден давридаги "сиёсий таъқиблар"га оид барча ёзувларни сақлашни буюради.
- У ҳукуматни инфляцияни енгишга йўналтиради.
- Вақтинчалик ҳукумат ишига ёллашни музлатади.
- Зудлик билан АҚШни иқлим бўйича Париж келишувидан чиқаради.
- Ҳукумат томонидан цензурани тугатиш тўғрисидаги буйруқни имзолайди.
- Байден давридаги 78 та буйруқ, ҳаракатлар ва меморандумларни бекор қилади.
“Мен аввалги маъмуриятнинг 80 га яқин бузғунчи ва радикал ижро ҳаракатларини бекор қиламан”, деди Трамп Вашингтондаги чиқишида.
Шунингдек у: "Зудлик билан тартибга солишни музлатиб қўяман, бу Байден бюрократларини тўхтатади. Биз фақат Америка жамоатчилигига содиқ бўлган малакали одамларни ишга ёллашимизни таъминлаш учун вақтинчалик ишга ёллашни музлатиш қарорини чиқараман", деди.
Ҳукумат самарадорлиги бошқармасини судга беришди
Қасамёд маросимидан ҳеч қанча ўтмай, Доналд Трамп, АҚШ ҳукумати фаолиятини кескин қисқартириш ва бунда эҳтимолий судловлар олдидан маслаҳат гуруҳини ташкил қилди.
Ҳукумат самарадорлиги департаменти ёки DOGE - ТЕСЛА ширкати бош директори Элон Маск томонидан бошқарилади. Бу гуруҳ федерал агентликлар ҳамда федерал иш ўринларининг тўртдан уч қисмини қисқартиришни мақсад қилган.
"Федерал ҳукуматимизнинг ваколати ва самарадорлигини тиклаш учун менинг маъмуриятим янги Ҳукумат самарадорлиги департаментини ташкил қилади", деди Трамп душанба куни инаугурация нутқида.
Шундан сўнг ҳукумат ходимлари Касаба уюшмалари, кузатув гуруҳлари ва жамоат ташкилотлари Трампнинг бу баёнотидан кейинги бир неча дақиқа ичида судга мурожаат қилди.
Улар орасида Миллий хавфсизлик маслаҳатчилари ҳам бор ва улар DOGEнинг ташкил этилиши АҚШда 1972 йилда қабул қилинган - Федерал маслаҳат қўмиталарини бошқариш тўғрисидаги қонунни бузишини айтмоқда.
Шикоятчилар орасида Вашингтондаги Америка соғлиқни сақлаш ассоциацияси, Америка ўқитувчилар федерациялари ҳам бор. Бундан ташқари, қатор жамоат ташкилотлари Трамп янги тузган департментни ноқонуний, деб судга ариза киритди.
