Интeрнeтда уюштирилган акция ташкилотчилари "Каримов зулмидан қутилишнинг ягона йўли - унга бўйсунмасликдир", деган фикрда.
Facebook тармоғидаги акцияни ўзини "Ўзбекистон халқ ҳаракати" деб атаётган ташкилот уюштирмоқда. Бу ғоя ташаббускорлари "Андижон - Адолат ва тикланиш" ташкилоти, мухолифатдаги "Эрк" демократик партияси ва "Таянч" инсон ҳақлари гуруҳи аъзоларидир.
Озодлик ушбу ҳаракатнинг мақсадлари ва қандай ташкил қилинганлиги хусусида "Таянч" ташкилоти раҳбари, Швецияда бошпана топган ўзбекистонлик таниқли имом Муҳаммадсолиҳ Абутовни суҳбатга тортди.