Сарлавҳага чиқарилган баёнот Швейцарияда яшаëтган ўзбекистонлик сиëсий фаол Сафар Бекжонникидир. Унинг Озодликка берган суҳбатида айтишича, Ўзбекистон марҳум президентининг тўнғич қизи Гулнора Каримовада кейинги 25 йил давомида Ўзбекистон бойликларини ўғирлаб келаëтган 90 та оилага оид махфий ҳужжатлар мавжуд. Сафар Бекжон "ўша ҳужжатларнинг нусхасини менга Гулнора Каримованинг ўзи жўнатган", деди.
(Озодлик бу ҳужжатлар мавжудлигини бевосита тасдиқлай олмайди¸ уларни кўргани¸ улар мазмуни билан танишгани йўқ.)
Ўзбекистон Миллий хавфсизлик хизматидаги Гулнорага яқин генераллар томонидан тўпланган бу махфий маълумотларда¸ Сафар Бекжоннинг иддаосича¸ "мамлакат иқтисодининг барча сердаромад соҳаларини ўз мулкига айлантирган қудратли оилаларга тегишли ширкат номлари¸ уларнинг хориждаги банк ҳисоблари келтирилган".
Ана шундай компроматлар мавжудлиги¸ Гулнорани бугун ҳам Ўзбекистон ҳокимияти тепасида қолаëтган ушбу қудратли оилалар учун жиддий таҳдид манбаига айлантирган ва Каримованинг ҳеч ким¸ хусусан¸ келаси ҳафта Ўзбекистонга сафар қилишни режалаган Швейцария тергов гуруҳи ва адвокатга кўрсатилмаслиги сабаби ҳам ана шу ҳужжатларга бориб тақалади¸ дейди Сафар Бекжон.
Фаолнинг бундай тахминларига асос бўлган мулоҳазалари билан қуйида танишишингиз мумкин.
