7 ноябрь куни Озодликка боғланган бекободлик ота-оналар¸ 3 ëшдан 6 ëшгача бўлган 7 нафар болага календарга мувофиқ гепатит "А" ўрнига¸ гепатит "Б"га қарши катта дозада эмлаш қилган тиббиëт ходимлари жазолашни ва ўз фарзандларининг мустақил тиббий текширувдан ўтказишни талаб қилишди.
Айни шу талаб билан 7 ноябрь куни Ўзбекистон Бош прокуратурасига келган бекободлик ота-оналарга кўра¸ бу воқеа 25-26-27 октябрь кунлари Бекобод шаҳридаги Металлург шифохонасига қарашли болалар поликлиникасида содир бўлган.
Поликликанинг эмлаш кабинети ҳамшираси Саодат Қобулова пахтага жўнатилиб¸ унинг ўрнида ишлаш буюрилган Металлургия комбинати ҳамширалари¸ гепатит "Б"га қарши олдин эмланган 7 нафар болага яна айни вакцинани катта дозада берган.
Озодлик гаплашган ҳамширага кўра¸ касалхона раҳбарияти бу хатоликдан хабар топгач¸ ота-оналарни огоҳлантириш ўрнига¸ воқеани бекитишга уринган.
Ота-оналар эмлашдан бери бурун қонаши¸ иситма¸ ланжлик ва иштаҳасизликдан азият чекаëтган болаларнинг узоқ муддатли саломатлиги таҳдид остида эканидан чўчимоқда.
Хатолик – ҳамширалар пахтага жўнатилгани оқибатида рўй берган
Металлург шифохонасига қарашли болалар поликлиникаси эмлаш хонасига масъул бўлган ҳамшира Саодат Қобулова¸ 25 октябрь куни уч кунга Бекобод туманидаги Маллавой фермер хўжалиги ҳудудида пахта теришга юборилган.
Ҳамширанинг Озодликка айтишича¸ бу буйруқ 24 октябрь тунги соат 11 дан кейин берилган ва бош ҳамшира ўзини пахтага чиқмаслик оқибатларидан огоҳлантирган.
25 октябрь тонгги соат 6:30 да пахтага жўнаш учун айтилган жойга борган Қобулова ўрнига¸ Металлургия комбинатида ишловчи иккита ҳамшира қўйилган.
Болаларни эмлаш тажрибасига эга бўлмаган бу икки ҳамшира 25-27 октябрь кунлари гепатит Ага қарши эмлашга чақиртирилган 7 нафар болани гепатит "Б"га қарши катталар дозасида эмлаган¸ аммо болалар эмлаш дафтарига бу вакцина гепатит "А" деб ëзиб қўйган.
Бу хатолик¸ эмлаш ҳамшираси Саодат Қобулова пахтадан ишга қайтиб¸ совутгичдаги вакциналар ҳисобини қилган пайтда юзага чиққан.
- Одатда ойнинг 25 куни СЭСга қанча вакцина қилингани ҳақида ҳисоб бераман. Лекин ўтган ой пахтада бўлганим учун¸ 29 октябрь куни ҳисоб бериш учун холодильникни текширсам¸ гепатит "Б" га қарши етти дона вакцина етишмаяпти. Суриштирсам¸ мен йўғимда ишлаш буюрилган ҳамширалар "А" ўрнига "Б" қилган. Уларни чақиртириб¸ дарров хатолик ҳақида тушунтириш ëздириб олдим. Бўлмаса¸ бунинг масъулияти менга тушарди¸ - дейди Қобулова Озодлик билан суҳбатда.
Ҳамширага кўра¸ шундан сўнг воқеадан хабар топган шифохона бош врачи ва поликлиника бошлиғи хатоликни бекитиш учун эмлаш дафтарини қайтадан сохталаштириб ëзиб чиқиш ва бу ҳақда ота-оналарга ҳеч нима демасликни буюрган.
Қобулованинг айтишича¸ у бунга кўнмаган ва эмлаш дафтари¸ хатога йўл қўйган ҳамширалар ëзиб берган тушунтириш хатини олиб Бекобод прокуратурасига мурожаат қилган.
Прокуратура идорасидан чиққан Қобулова, ўзининг айтишича¸ нотўғри эмланган болалардан хабар олиш ва ота-оналарни огоҳлантириш учун уларнинг уйига борган.
Ваҳима
Нотўғри эмланганлардан бири Бекобод шаҳар 12-микрорайон 48-уй 27-хонадонда яшовчи Гулойим Раҳимованинг 6 яшар невараси Шоҳруҳ Абдусаматовдир.
Раҳимованинг Озодликка айтишича¸ Шоҳруҳни боғчага қўйиш учун гепатит "Б"га қарши эмлаш олиши талаб қилингани ортидан¸ уни 25 октябрь куни онаси поликлиникага олиб бориб¸ 150 минг сўм тўлаб¸ эмлатган.
- Ўша куниëқ боланинг мазаси қочиб¸ иситмаси кўтарилиб¸ зардоб қайт қила бошлади. Қизим¸ эмлашдан кейин шунақа бўларкан¸ деди. Биз медицинадан кўп ҳам хабари йўқ одамлармиз. Бошқа уйга кўчаëтганимиз учун¸ болани ëтқизиб қўйсак¸ соатлаб кўзини очмади¸овқат емай қўйди¸ фақат сув сўради. Детский врачга олиб борсак¸ томоғи оғриган деб¸ аналгин-димедрол берди. Вакцина хаëлимизгаям келмапти¸ - дейди Гулойим Раҳимова.
3 ноябрь куни уйига эмлаш ҳамшираси Саодат Қобулова келиб¸ Шоҳруҳнинг аҳволини суриштирган ва босиқлик билан уларга боланинг хатолик оқибатида катта дозадаги бошқа вакцина билан эмланганини тушунтирган.
- Жуда қўрқиб қолдик¸ биттаю битта ўғил неварам. 5 ноябрь¸ душанба куни Тошкентга бориб¸ Минздравдаги Дилором Турсунова деган аëлга шикоят қилдик¸ тўлиқ текшириб¸ болаларимизни даволатиб беринг¸ деб. Мутахассис юбориб¸ масалани ўрганамиз¸ деди. Эртасига Бекободдаги медсанчастда учрашув бўлди. Тошкентдан келганлар ҳам қатнашди. Ҳамширалар олдинига тонди¸ кейин тан олиб¸ кечирим сўради¸ ишдан кетишга тайëрман¸ деди. Болаларни бир ойдан кейин қон олиб¸ текширамиз дейишди. Мен хато ишни қилиб¸ болаларнинг соғлиғини эмас¸ балки ўз шкурасини ўйлаб¸ уни бекитишга уринганларга ишонмайман¸ дейди Гулойим Раҳимова.
Бу учрашув ва унда айтилганлардан қаноатланмаган 7 боланинг ота-онаси¸ воқеани объектив ўрганиб¸ айбдорларни жазолаш ва болалари саломатлиги учун масъулиятни тиббиëт ходимлари зиммасига юклаш талаби билан 7 ноябрь куни Бош прокуратурага арзга келган.
7 ноябрь куни маҳаллий вақт билан кечки соатларда Озодлик қайта боғланган ота-оналар вакилларига кўра¸ Бош прокуратура вакили ўз шикоятини расмийлаштиргани ва бу воқеа назоратга олинганини билдирган.
