тел: +420 2 2112 3389 моб: +420 724 174 909 skype:sarvarusmon64
Инсон ҳуқуқлари ҳимояси билан шуғулланувчи Россиядаги етакчи ташкилотлар Иосиф Сталин режими даврида қатл этилган 1 миллион нафардан зиёд киши рўйхатини ўтган ҳафтада эълон қилди.
Шу кунларда сиёсатшунослар Тошкент воқеаларининг таҳлили билан банд. Ўзбекистон раҳбарияти- нинг бошқарув услуби авторитар экани, мамлакатда сиёсий мухолифат таъқибу тазйиқлар исканжасида қолгани, аҳоли ўз норозилигини тинч йўллар билан билдириш имкониятидан маҳрум этилгани, таҳлилчиларнинг аксарияти фикрича, юз берган фожиага асосий сабаб бўлди.
Хизб ут-Таҳрир ҳақида кўп гапирилган, шундай бўлсада, бу яширин партия тўғрисидаги маълумотлар билан яна бир бор танишишга зарурат пайдо бўлди. Чунки, Тошкентдаги воқеалар учун масъулият Ўзбекистон расмийларига кўра, мана шу ташкилотнинг ҳам зиммасидадир.
25, 26 март кунлари Алмати шаҳрида ядровий маҳсулотлар экспорти устидан назорат ўрнатиш масалаларига бағишланган халқаро семинар бўлиб ўтди. Бир қарашда, ўта тор доирадаги мутахассисларнигина қизиқтириши мумкин бўлган бу анжуманнинг тингловчиларимиз кенг доираси учун қизиғи йўқдек. Лекин, кейинги пайтларда баъзи шахсларнинг ядровий маҳсулотлар контрабандаси билан шуғулланаётгани туфайли журналистлар мазкур анжуман ишига эътибор қаратдилар.
25 март куни Брюсселда Европа Иттифоқи саммити иш бошлагани тўғрисида ўз вақтида сиз тингловчига хабар берган эдик. Иттифоққа аъзо давлатлар раҳбарларининг олий даражали мазкур учрашуви 26 март, жума куни ҳам ўз ишини давом эттирди.
24 март куни Испания пойтахти Мадридда бундан икки ҳафта муқаддам содир этилган террористик актлар қурбонларини хотирлаш маросими бўлиб ўтди. Мадрид вокзалларида амалга оширилган портлашлар оқибатида 190 кишининг ёстиғи қуриган, 1400 нафардан зиёд киши жароҳат олган эди.
Гапни хушхабардан бошлай қолайлик. Алмати шаҳар Жетису туман суди 17 март куни мухолиф фикрлар минбари бўлган "Время" ҳафталиги ходими Геннадий Бендицкийни оқлади ва давлат маблағининг ўзлаштирилгани тўғрисида у эълон қилган материалларни ишончли, деб топди. Суд қарорига кўра, Бендицкий давлатга қарашли Республика Инновация Жамғармаси раҳбари Асиғат Жабағинга туҳмат қилган эмас.
Россия Президенти Владимир Путин 9 март куни мамлакат Вазирлар Маҳкамасининг янги таркибини эълон қилгани тўғрисидаги хабарни, ўша куннинг ўзидаёқ, Сиз тингловчига етказган эдик. Россия Президенти баёнотига кўра, "Вазирлар Маҳкамасининг янги таркиби сўнгги икки йил мобайнида ишлаб чиқилган маъмурий ислоҳот маҳсулидир". Россиянинг янги ҳукумати аввалгисидан аъзолари сони билан кескин фарқланади: Касьянов ҳукуматида 30 нафар вазир ишлаган бўлса, янги ҳукуматда портфеллар сони 17 та холос. Хўш, президентлик сайловларига бир неча кунгина қолган пайтда янгиланган Россия ҳукуматининг ички ва ташқи сиёсатида қандай ўзгаришлар юз бериши мумкин?
Грузиянинг янги Президенти Михаил Саакашвили 23 феврал куни АҚШга учиб кетар экан, мамлакатнинг ҳуқуқ-тартибот идоралари раҳбарларига Ажария мухтор республикасидаги жиноятчилар гуруҳларини бартараф этиш режасини ишлаб чиқиш тўғрисида топшириқ берди.
Қозоғистон Республикаси Фавқулодда Вазиятлар Агентлиги тарқатган энг сўнгги маълумотларга қараганда, Сирдарё сувининг тошиб кетиши оқибатида Қозоғистоннинг Қизил Ўрда вилоятида пайдо бўлган вазият жиддийлигича қолмоқда.
"Ҳақиқатчи" сўзи ташбеҳ эмас. Бу - Қирғизистон Республикаси Омбудсменининг расмий номи. Ҳақиқатчи Турсунбой Бакир ўғлининг яқинда бир қатор қамоқхоналардаги аҳвол билан танишиб чиққани тўғрисида ҳикоя қилган эдик.
Туркманистон республикаси ижтимоий-сиёсий ҳаётига оид лавҳаларимизда бу мамлакатда инсон ҳуқуқлари давлат органлари томонидан мунтазам равишда поймол этилаётганлиги тўғрисидаги кўплаб маълумотлар билан таништирганмиз.
Бу мамлакатда қаторасига икки кун - 10 ва 11 феврал кунлари мина ўрнатилган учта машина портлатилиб, қарийб 100 нафар бегуноҳ ироқлик нобуд бўлди. Хўш, ким уюштираяпти бу портлашларни? Нима учун тинч аҳоли бомбачилар нишонига айланиб қолмоқда?
Скинхедлар. Инглиз тилидан россиялик ўн минглаб ўсмир ўзлаштириб олган бу сўзни ўзбек тилига "тақир бошлар", деб таржима қилсак бўлади. Скинхедлар сочини қирдириб юрувчилардир. Бир қарашда тақир бошнинг ҳеч кимга, ҳатто ўша бошни кўтариб юрган одамнинг ўзига ҳам хавфи йўқ.
Грузиянинг янги Президенти Михаил Саакашвили 10 феврал куни Россияга биринчи расмий сафарини бошлади. Икки кун давом этадиган сафар чоғида томонлар ўзаро алоқаларни мустаҳкамлашга умид қилмоқдалар.
Қирғизистон Республикаси парламенти – Жоғорқу Кенеш давлат тили тўғрисидаги янги қонун лойиҳасини муҳокама қилаётгани, лойиҳа нафақат парламент аъзолари, балки мамлакат жамоатчилигини ҳам бефарқ қолдирмагани тўғрисида аввалги эшиттиришларимизда ҳикоя қилган эдик. Баҳс-мунозаралар объектига айланган қонун лойиҳасини унинг муаллифи - мамлакат президенти депутатлар муҳокамасидан қайтариб оладиган кўринади. Хўш, Президент Ақаев давлат тили тўғрисидаги янги қонунни нима учун таклиф қилдию энди нима учун қайтариб олмоқчи?
Қирғизистон Республикаси ҳукумати ташаббуси билан 2002 йили Бишкекда Европада Хавфсизлик ва Ҳамкорлик ташкилотининг Академияси очилган эди.
"Кейинги пайтларда ишдан бўшатилган тожикистонлик айрим амалдорлар мамлакатнинг Қирғизистон билан чегарадош Жирғатол минтақасида қуролли гуруҳлар тузмоқда". Бу Қирғизистон Республикаси парламенти - Жоғорқу Кенеш депутатларидан бирининг куни кеча қилган баёноти. Ҳозирча, депутатнинг бу баёнотини тасдиқловчи аниқ маълумотлар йўқ. Бироқ, у тилга олган тожикистонлик баъзи арбобларнинг сўнгги кунларда қилган баёнотлари мазмунидан, бу республикадаги вазият кўнгилга хотиржамлик бахш этадиган даражада эмасга ўхшайди.
Қирғизистон Республикаси Марказий Сайлов Комиссияси 27 январ куни мамлакат Сайлов Кодексига киритилган ўзгартиш ва қўшимчалар қабул қилинганлигини эълон қилди. Қонунга киритилган ўзгартишларнинг баъзилари потенциал номзодлар ва партияларнинг норозилигига сабаб бўлмоқда. Бундан ташқари, янги таҳрирдаги Кодекс ҳорижий оммавий ахборот воситаларининг сайловолди кампаниясидаги иштирокини ҳам чеклаб қўяди.
Чеченистоннинг Москвага хайрихоҳ Президенти Аҳмад Қодиров ўтган ҳафтада Эр-Риёдга қилган 4 кунлик сафари давомида Саудия Арабистони расмийлари томонидан илиқ кутиб олинди. Бу эса, таҳлилчилар фикрига кўра, Қодиров мавқеининг мусулмон дунёсида мустаҳкамланишига хизмат қилиши мумкин. Саудия расмийларининг маълум қилишларича, улар мамлакатдаги хайрия жамғармалари Чеченистондаги исёнчи гуруҳларга молиявий ёрдам кўрсатишни тўхтатишини ваъда қилганлар. Расмий Эр-Риёднинг бу баёнотлари чечен сепаратчиларининг норозилигига сабаб бўлган.
Давомини ўқинг