тел: +420 2 2112 3389 моб: +420 724 174 909 skype:sarvarusmon64
2010 йил, июн ойида Қирғизистон жанубида бўлиб ўтган воқеалардан кейин Озодлик радиоси фожиа қурбонларига ёрдам беришни сўраб ўз тингловчиларига мурожаат қилган эди. Мурожаатимизни эътиборсиз қолдирмаган тингловчиларимиз бир неча ой ичида Ўшга 10 минг доллардан зиёд ёрдам пули жўнатди ва Ўшдаги фаоллар гуруҳи ўша эҳсон пулларини муҳтожларга тарқатиб берди.
12 март куни Москвада таниқли журналист, Марказий Осиё ва Кавказ бўйича жаҳон бўйлаб тан олинган эксперт Санобар Шерматова билан видолашув маросими бўлиб ўтади. Яқинларининг айтишича, маросимдан сўнг марҳума ватани Ўзбекистонга олиб кетилади ва 13 март куни Тошкентдаги Чор минор қабристонида дафн этилади.
Марказий Осиёда Совет даврида кенг тарқалган ҳужра тартибида дарс бериш услуби асосчиси, ўн минглаб толиблар ва олимлар устози, нафақат Ўзбекистон, балки бутун Ислом дунёсида танилган марғилонлик улуғ олим Абдулҳаким ота Восиев вафот этгани тўғрисидаги хабар Озодликка 8 март куни кечқурун етиб келди.
8 март Халқаро хотин-қизлар куни сифатида бу йил юзинчи марта нишонланмоқда. Бу кун илк бор 1911 йили Австрия, Дания, Германия ва Швейцарияда нишонланган эди. Лекин хотин-қизлар тенг ҳуқуқлилиги учун ҳаракатнинг тарихи бу махсус кун тарихидан узунроқдир.
Тошкент шаҳар жиноят ишлари суди бола сотиш билан шуғулланган 12 кишилик гуруҳнинг 6 аъзосини 7 йилдан 10 йилгача бўлган муддатларга озодликдан маҳрум қилди. Регнум агентлигига кўра, МХХ фош қилган жиноий гуруҳнинг қолган аъзоларига озодликдан маҳрум қилиш билан боғлиқ бўлмаган жазо тайинланган.
Сарлавҳага чиқарилган фикрни бугун эътиборингизга ҳавола қилинадиган давра суҳбати иштирокчилари – июн воқеаларидан кейин Қирғизистонни тарк этишга мажбур бўлиб, шу кунда Россия ва Украинада яшаётган ўзбеклар вакиллари билдирди.
Озодлик билан суҳбатда Халил Худойбердиев ўз хусусий мулки - "ЎшТВ"ни шаҳар ҳокими Мэлис Мирзақматов қандай қилиб тортиб олгани тўғрисида батафсил ҳикоя қилганидан сўнг¸ мэр ўзига қўйилган айбларни инкор қилди.
Ўзбек-қирғиз чегарасининг қарийб бир йилдан бери ëпиқ қолаëтгани Қорасув бозоридан келаëтган моллар билан савдо қилиб келган минглаб ўзбек савдогарлари бозорини касод қилган бўлса¸ чегарага урилган қулфдан¸ Каримов қизларидан бирига қарашли экани айтиладиган "Абу Саҳий" ширкатининг қулфи-дили очилиб бормоқда¸ дейди Озодлик манбалари.
2010 йил, 9 июлда Қирғиз республикаси Миллий хавфсизлик хизмати Ўш вилоят бошқармасига чақиртирилганидан икки кун ўтиб шаҳарни тарк этган ва ўшандан бери қаердалиги номаълум қолаётган Халил Худойбердиев Озодликка 23 февраль куни қўнғироқ қилди.
Шу кунда қирғизистонлик ўзбекни Яқин Шарқда ҳам, Узоқ Шарқда ҳам учратиш мумкин. Июн воқеаларидан кейин Ўшнинг ўзидан 60 минг киши чиқиб кетганини Ўш вилоят миграция хизмати ўтган ҳафтада эълон қилди. Норасмий маълумотларга қараганда, 60 минг кишининг мутлақ кўпчилиги ўзбеклардир.
Ўш вилоят миграция хизмати ўтган ҳафтада тарқатган маълумотга қараганда, 2010 йилнинг июнида содир бўлган қирғиндан сўнг, Ўшни расман 60 мингдан ортиқ одам тарк этган. Миграция хизмати расмийси Акжўл Абдукеримов Ўшни тарк этганларнинг миллий таркиби тўғрисида маълумотларга эга эмаслигини билдирган.
Украинада яшаётган қирғизистонлик ўзбеклардан бири 11 феврал куни Ўшга жўнатган 1000 долларни қўшиб ҳисоблаганда, Озодлик тингловчилари июн қирғинидан жабр кўрганларга кўрсатаётган молиявий ёрдамнинг умумий миқдори 10 минг доллардан ортди.
Июн воқеалари давомида ўт қўйилган Бобур номидаги Ўш ўзбек театри биносида театр жамоаси ва ўқитувчилар ўтказган "Назм ва наво" кечасида расмийлардан ҳеч ким қатнашмади. Шоирнинг июн воқеалари кунлари бўйнига сиртмоқ солинган Ўшдаги ҳайкали шу кунда ҳам қўллари синиқ, бурни пачоқ ҳолида турибди.
Ўзбекистоннинг ҳуқуқий давлат эканини кўрсатувчи рамзлардан бири сифатида кўз-кўз қилиб келинаëтган Омбудсман идораси¸ қонунда белгиланганига терс ҳолда¸ на жамоатчилик саволларига жавоб беради ва на фуқаролар шикоятини ҳал этади.
"Жалолобод вилояти Олабуқа туманидаги фақат ўзбеклар ўқийдиган 16-мактабда ўқиш қирғиз тилига кўчирилди. Мактабнинг номи ҳам ўзгартирилди. Бундан буён ўқув даргоҳи Алишер Навоий номи билан эмас, Қирғизистон ССР Компартиясининг 1950 – 61 йиллардаги биринчи котиби Исҳоқ Раззоқов номи билан аталади".
Президент Муборак тарафдорлари хорижликларни сўнгги кунлардаги тартибсизликлар "айбдорлари" сифатида кўрмоқда. Улар калтаклаган ажнабийлар орасида 3 феврал куни Искандариядан Қоҳирага қараб йўлга чиққан ўзбекистонлик Абдуллоҳ ҳам бор.
Ўзбекистондаги "Ижтимоий сўров" маркази саволларига жавоб берганларнинг 80 фоиздан кўпроғи ўз турмушидан мамнун; айни пайтда¸ хос суҳбатларда Ўзбекистондаги вазиятдан норозилигини айтувчилар ҳам қарийб шунча бўлиши мумкин. Хўш¸ ким ҳақу ким ноҳақ?
Араб кўчаларида бўлаëтган ғалаëнлар ҳокимиятни ўз шахсий мулкига айлантириб олган мустабид ҳукмдорларга қарши кураш йўли қандай бўлмоғи керак, деган саволни яна бир бор кун тартибига қўймоқда. Айни шу савол Озодлик "Баҳс майдони"га ҳам кўчди.
"Ўзбекистон оммавий ахборот воситалари ва интернетда "Миср" сўзи тақиқлаб қўйилди. "Египет" сўзига излов берилганида интернет сервислар "Жорий қонун, қоида ва сиёсатга биноан излов натижалари кўрсатилмайди" деган хабар чиқаяпти". Бу - сайтимизга 29 январ куни келган рус тилидаги бир шарҳнинг таржимаси.
Ўш вилояти Қорасув шаҳридаги марказий Ас-Сарахсий жоме масжиди имом-хатиби Рашод қори Камолов икки ўзбекистонликнинг аризасига биноан қўлга олинди. Бу ҳақда Озодлик радиосига Бишкек шаҳар ички ишлар бошқармаси матбуот хизмати хабар қилди.
Давомини ўқинг