Тел: +996 550528 555
Facebook: @elmurod.zhusupaliev
Ўшлик ҳуқуқ фаоли Равшан Гапиров ўзи ва ўғли Фарруҳнинг ноҳақ қамалгани учун суд томонидан белгиланган 440 минг сўм товон пули тез кунларда берилмаса, президент саройини штурм қилишини айтмоқда. Ҳуқуқ фаолининг ўғли Фарруҳ Гапиров Ўш қирғинида айбланиб қўлга олинган юзлаб этник ўзбеклар орасида суд ҳукми билан оқланган ва ўзининг қийноқларга солинганини исботлай олган ягона одамдир.
Ижтимоий тармоқларда бокс бўйича жаҳон чемпиони Александр Поветкиннинг Қирғизистон президенти билан учрашувга Россия миллатчилик ҳаракатига алоқадор экани иддао қилинаётган неонацистик свастика рамзи туширилган кийимда келгани кенг муҳокама қилинмоқда.
Қирғизистон суди Хитой Ташқи ишлар вазирининг Бишкекка ташрифи арафасида мамлакатдан 35 нафар хитойликни депортация қилиш тўғрисида қарор чиқарди. Бишкек атрофида ноқонуний равишда ишлаб юрган хитойлар 10 кун ичида ватанига қайтиши шарт.
Қирғизистон АҚШ Марказий разведка бошқармаси собиқ ходими Эдвард Сноуденга сиёсий бошпана бериши шарт. Қирғизистон Миллий ахборот агентлигида ўтган матбуот анжуманида “Финанс” ҳаракати раиси Чингиз Болотбеков мана шундай баёнот берди.
Шанбага ўтар кечаси Ўзбекистон шарқида 5,5 -6 магнитудали зилзила юз бергани қайд этилди. АҚШ Геология хизматининг маълум қилишича, зилзила Тошкент вақти билан соат 3.18 да бўлган. Унинг эпицентри Бўка шаҳридан 9 километр узоқликда , ўчоғи эса 15,8 километр ер остида бўлган. Озодлик суҳбатдошларининг айтишларича, аҳоли орасида "зилзиладан Тўйтепа атрофида, Бўкада деворлар, пахса уйлар қулаб тушибди" деган миш-мишлар бор. Бироқ бу гаплар ҳозирча расман тасдиқлангани йўқ.
БМТнинг 23 май куни кечқурун ёйинланган баёнотида айтилишича, бунинг учун расмий Бишкек мамлакатда инсон ҳуқуқлари халқаро стандартларига амал қилинишини таъминлаши зарур.
АҚШ ҳарбий транзит марказини мамлакатдан чиқариш ҳақидаги қарорни Қирғизистон ҳукумати парламент муҳокамасига жўнатди.
“Ўзбекистон президентининг қизига қарашли “Абу Саҳий” ширкати фаолияти Қирғизистонда тақиқланмас экан, қирғиз тадбиркорлари миллионлаб доллар зиён тортишда давом этаверади”, демоқда қирғизистонлик иқтисодчилар.
Москвадаги “Военно-промышленный курьер” нашри экспертлари мана шундай хулосага келган. Мазкур нашрда 21 май куни чоп этилган мақолада Ўзбекистон армияси сони бору сифати йўқ ҳарбий куч ва коррупциялашган тузилма сифатида баҳоланади.
АҚШнинг Айдахо штатида халқаро террор гуруҳи саналмиш Ўзбекистон исломий ҳаракатига молиявий ва техник ëрдам берганликда айбланиб қўлга олинган Фазлиддин Қурбонов жума куни ўтган биринчи суд тингловида ўзига билдирилган айбловларни тан олмаслигини айтди.АҚШ прокурорлари эса "Қурбоновнинг қамоққа олиниши бўлажак таҳдидларининг олдини олди" қабилида баёнот бераётир.
16 май куни АҚШнинг Бойси шаҳрида ҳибсга олинган ўзбекистонлик Фазлиддин Қурбоновнинг жума куни дастлабки эшитувлар учун маҳкамага олиб келиниши кутилмоқда. Қурбонов халқаро террор гуруҳи саналмиш Ўзбекистон исломий ҳаракатига молиявий ва техник ëрдам берганликда айбланмоқда.
15 май куни кечга яқин Қирғизистон парламенти Россия Думаси депутати Владимир Жириновскийни “мамлакатда исталмаган шахс” сифатида эълон қилди ва бу борада махсус қарор чиқарди.
Шу сабали 2013-2014 йилда режалаштирилган 12 та сармоя ҳудудидан фақат олтитасигина хориж сармоядорларига таклиф этилади.
Европа қайта қуриш ва тарққиёт банки 2013 йилда Ўзбекистонда иқтисодий ўсиш даражаси 7,5 фоизга тушиб кетишини тахмин қилмоқда. 2012 йилда банк Ўзбекистондаги иқтисодий ўсиш 8, 2 фоиз бўлганини эътироф этган эди. Бу эса жуда юқори кўрсаткичдир.
Бу йил қонли Андижон воқеаси содир этилганига 8 йил тўлди. Орадан 8 йил ўтганига қарамай Андижон воқеаси ортидан таъқибга учраган ўнлаб одамлар шу кунларда ҳам Ўзбекистонни тарк этишга мажбур бўлмоқда. Бугунги кунда Бишкекда ўзбекистонлик 50 дан ортиқ ўзбек қочқини истиқомат қилмоқда.
“Ўзбекистон Афғонистоннинг ички ишларига аралашмаслик ва Афғонистонга қарши қаратилган турли ҳарбий-сиёсий бирлашмаларда қатнашмаслик сиёсатини олиб боради”. Ўзбекистон президенти Ислом Каримов 9 май - Хотира ва қадрлаш куни муносабати билан ўзбек матбуотига берган суҳбати чоғида мана шундай баёнот берди.
Ўш шаҳри атрофидаги Шарқ қишлоғининг Имомота мавзеси аҳолиси ҳуқуқ-тартибот тузилмалари томонидан этник ўзбеклар ҳуқуқлари бузилаётганидан норозилик билдириб, халқаро ташкилотларга ва Ўзбекистон, Қозоғистон, Россия, Хитой президентларига мурожаат жўнатди.
Ўзбекистонлик журналист Елена Бондар Қирғизистонда қочқинлик мақоми олди. БМТнинг Қочқинлар иши бўйича Олий комиссарлиги 7 май куни мана шундай қарор чиқарган. Ўзбекистонда журналист Жиноят кодексининг “Миллий, ирқий, этник ёки диний адоват қўзғатиш" моддаси бўйича айбланган эди.
Бишкекда яшовчи россиялик сиёсатшунос Александр Князев 1 май куни Қозоғистондан қайтаётган пайтда чегарада ушлаб қолинди ва Қирғизистонга киритилмади.Қирғизистон чегарачилари Князевга уни чегарадан ўтказиш тақиқлангани тўғрисида акт берганлар.
Қирғизистоннинг Боткен вилоятига қарашли Оқсой қишлоғи ва Тожикистоннинг Ворух анклави аҳолиси ўртасида юз берган жанжал пайтида 4 қирғизистонлик оғир тан жароҳати олгани, 1 омборхона ва 1 автомашина ёқиб юборилгани ва ўнга яқин автомашинага зиён келтирилгани маълум қилинди.
Давомини ўқинг
