Тел: +996 550528 555
Facebook: @elmurod.zhusupaliev
Ўзбекистон сўрови билан Бишкекда қўлга олинган собиқ имом Ҳабибулло Сулаймоновнинг бошпана изловчи шахс мақоми сўраб БМТнинг Қочқинлар иши бўйича Олий комиссарлигига киритган аризаси рўйхатга олинди. Шунга қарамай Қирғизистон Бош прокуратураси Сулаймоновни ҳибсда сақлаш муддатини 16 мартгача узайтиришга ҳаракат қилмоқда.
Қирғизистон Олий суди парламент депутатлари ойлик иш ҳақи тўғрисидаги маълумотни сир сақлаш тўғрисида қарор чиқарди. Бу билан Бишкек туманлараро суди ва Бишкек шаҳар судининг парламент депутатлари маошлари жамоатчилик учун очиқ бўлиши кераклиги тўғрисидаги қарори бекор қилинди.
Хитой - Қирғизистон – Ўзбекистон темир йўлининг техник иқтисодий асосламаси тайёр бўлганини маълум қилган Қирғизистон Бош вазирининг ўринбосари Тайирбек Сарпашев, лойиҳани амалга ошириш учун зарур бўлган 4 миллиард доллар маблағни кимдан олиш масаласи ўрганилаётганини айтди.
Ўзбекистондаги ижтимоий-иқтисодий шароитдан ва мамлакатнинг геосиёсий аҳамиятидан келиб чиққан ҳолда президент Ислом Каримов авторитар сиёсат юритишга мажбур. Марказий Осиёдаги хавфсизлик масалалари бўйича таниқли эксперт Имомберди Жалилов мана шундай фикр билдирди.
Ўзбекистон сўрови билан Бишкекда қамоққа олинган ўзбекистонлик қочқин Ҳабибулло Сулаймоновга нисбатан суд жараёни бир ҳафтага қолдирилди. Қирғизистон ҳуқуқ ҳимоячилари кенгаши Бишкек расмийларидан Ҳабибулло Сулаймоновни Тошкентга топширмасликни илтимос қилмоқда.
28 январ куни Бишкек шаҳар суди Ҳабибулло Сулаймоновни Ўзбекистонга экстрадиция қилиш қарорига нисбатан адвокат Токтогул Абдиев киритган шикоят аризасини кўриб чиқади. Ўзбекистонлик имом, Қирғизистонда қочқинликда юрган Ҳабибулло Сулаймонов Бишкекда 2012 йил 6 октябрида қўлга олинган эди.
Ўзбекистон ўзбек – қирғиз чегарасини кесиб ўтувчи темир йўллардаги “Қизилқия-темир йўл”, “Қорасув-темир йўл”, “Жалолобод-темир йўл” ва “Шамолдисой-темир йўл” назорат – ўтказиш пунктларини бир томонлама ёпиб қўйгани оқибатида Қирғизистонда юзлаб вагонлар тўпланиб қолди. Ўзбекистон Қирғизистоннинг Барак эксклавига ҳам йўлни тўсиб қўйган.
Қирғизистонда бугунги кундаги ягона ўзбек академиги, биринчи марта ойга жўнатилиб, у ерда одам иштирокисиз бурғулаш йўли билшан тупроқ олиб келган Лунаход ихтирочиларидан бири Муҳаммаджон Мамасаидов 63 ёшини нишонламоқда.
Қирғизистонда республика миқёсида ўзбек тилида нашр этилаётган ягона “Олам” газетаси ўзининг бир йиллигини нишонламоқда. Қирғизистонлик ўзбеклар дардига малҳам излашга уринаётган ва қувончларига шерик бўлаётган газетанинг атак-чечак қадамлари ҳақида “Олам”нинг бош муҳаррири Шуҳратбек Камолов гапириб берди.
Тожикистон президенти Эмомали Раҳмоннинг поччаси Холмўмин Сафаровни ўлдирганликда айбланиб судланган Диловаршо Қосимов 26 йилга озодликдан маҳрум этилди. Суд жараёни ёпиқ эшиклар ортида ўтказилди.
Ўзбекистон томони Қирғизистон билан чегарасидаги “Дўстлик” ўтказиш пунктини ёпди. Қирғизистон чегара хизмати раҳбари Закир Тиленов Ўзбекистон чегарани нима сабабдан ёпганини изоҳламаганини айтди. Қирғизистон ички ишлар вазири Шамил Атаханов эса бу воқеани “Ўзбекистоннинг Қирғизистонга нисбатан жавоб чораси” сифатида шарҳлади.
Сўх анклави атрофидаги Қирғизистоннинг иккита қишлоғида фавқулодда ҳолат эълон қилинди. Сўх анклави қамал қилиниши ортидан туман марказидан узилиб қолган бу икки қирғиз қишлоғини зудликда озиқ-овқат билан таъминлаш чора-тадбирлари кўрилмоқда.
Қирғизистон Омбудсмени Миллий хавфсизлик хизмати ҳибсхонасида сақланаётган ўзбекистонлик Ҳабибулло Сулаймоновга қочқин мақомини бериш илтимоси билан ҳукумат тузилмаларига мурожаат қилди. Ўзбекистонда Конституциявий тузумга қарши ҳаракатларда айбланаётган Сулаймонов уч ой олдин Бишкекда қўлга олинган эди.
Қирғизистон ҳукуматининг Боткен вилоятидаги вакили ўринбосари Саитжон Эратов мана шундай баёнот берди. Айни пайтда расмий Бишкек Ўзбекистон билан баҳсли ҳудудга симёғочлар ўрнатишга ким рухсат берганини ўрганмоқда. Симёғочларнинг ўрнатилиши 5 январдан 7 январгача давом этган жанжалга сабаб бўлган эди.
Қирғизистон Чегара хизмати Фарғона вилояти расмийларига таянган ҳолда Сўх воқеаси пайтида уч нафар ўзбекистонлик яраланганини билдирди. Ўзбек ва Қирғиз расмийларининг учрашуви чоғида сўхликларнинг хавфсизлигини таъминлаш масаласи ҳам муҳокама қилинди.
Кремл Бишкекдаги “Манас” АҚШ ҳарбий транзит маркази ўрнига логистик марказ барпо этиш юзасидан Қирғизистон ҳукумати билан музокараларни бошлади. Ҳозирча бу борада аниқ келишувга эришилгани йўқ. Қирғизистонлик айрим сиёсатчилар расмий Бишкек геосиёсатга таъсир қилувчи иншоотларни барпо этишда Россияга кўпроқ таянаётганини танқид қилишмоқда.
Қирғизистонда Қамбарота-1 ГЭСи лойиҳасининг техникавий-иқтисодий асослантиришини ишлаб чиқиш юзасидан очиқ танлов эълон қилинди. Айни пайтда Қирғизистон парламенти депутатларининг бур гуруҳи ГЭСни қуриш юзасидан эришилган шартномалар қирғиз давлатчилиги манфаатларига зид эканини айтмоқда.
Бир неча йилдан бери ўзини “Санта Клаус ватани” сифатида таништириб келган Қирғизистонда мусулмонлар диний бошқармаси Янги йилни нишонламаслик тўғрисида фатво тайёрламоқда. Бундан аввалроқ парламенти депутати Турсунбой Бакир ўғли ҳам қирғизистонликларни Янги йилни байрам қилмасликка чақирган эди.
Ўшда 2010 йил қирғини пайтида яқинларидан ажраган ўндан ортиқ фуқаро норозилик пикети уюштирди. Улар ҳукумат томонидан июн воқеасида жабрланганлар учун қурилган уйлар нега барчага баробар тақсимланмаётганини тушунтириб беришни талаб қилишмоқда.
Қозоғистон жанубидаги Шимкент шаҳрида 25 декбар куни кечга яқин АН-72 ҳарбий –транспорт самолётининг ҳалокатга учраши оқибатида 27 одам қурбон бўлди. Уларнинг 20 нафари йўловчи ва 7 нафари экипаж аъзолари экани айтилмоқда.
Давомини ўқинг
