Тел: +996 550528 555
Facebook: @elmurod.zhusupaliev
Қирғизистонда бир неча кундан бери 18-20 даража совуқ бўлаётганига қарамай, Бишкек, Тўқмоқ, Қант шаҳарларида аҳолининг катта қисми газсиз ва электрсиз қолмоқда. Парламент депутатлари энергетик бўҳронга йўл қўйган ҳукуматни "Дафн агентлиги" деб атамоқдалар.
Россия ва Ўзбекистон расмийлари Қирғизистондаги Қамбарота-1 ГЭС лойиҳасини текширувдан ўтказишга келишиб олди. Ахборот сайтларида тарқатилган ушбу маълумотга Қирғизистон расмийлари турлича муносабат билдирмоқдалар.
АҚШ президенти Барак Обама Коннектикут штати Нютаун шаҳридаги мактабга жума куни қилинган ҳужум оқибатида 28 одам, жумладан, 20 ўқувчининг ҳалок бўлиши муносабати билан мамлакатда тўрт кунлик мотам эълон қилди.
Қирғизистон парламенти депутати Турсунбой Бакир ўғли қирғизистонлик мусулмонларни Янги йилни байрам қилмасликка даъват қилмоқда. Бишкекдаги Арабаев университетида чиқиш қилган депутат Янги йил динсизлар байрами эканини таъкидлади.
Беларус президенти Александр Лукашенко 2010 йил апрел инқилобидан сўнг Қирғизистонни тарк этишга мажбур бўлган собиқ президент Қурмонбек Бакиевга Бишкек томонидан пенсия тўланиши кераклигини айтди. Бироқ Қирғизистон ҳукумати қочқин президентга пенсия тўламоқчи эмас.
Қирғизистон президенти Алмазбек Атамбаев Германияга қилган сафари чоғида Ўш қирғинида айбланиб умрбод қамоқ жазосига ҳукм қилинган ўзбек ҳуқуқ ҳимоячиси Азимжон Асқаровнинг ишини президент эмас, суд қайта кўриб чиқиши кераклигини билдирди.
Қирғизистонлик фазогир Солижон Шарипов бу фикрни Бишкекдаги “Манас” аэропортидан Ўшга учиб кетиш арафасида кутилмаганда уни кўриб ва таниб қолган “Озодлик” радиоси қирғиз хизмати мухбири билан қилган қисқача суҳбати пайтида билдирди.
АҚШ томонидан халқаро наркобаронлар рўйхатига киритилган қирғиз жиноят олами лидери Қамчи Кўлбоев Дубайдан Қирғизистонга олиб келинди. Бу ҳақда Қирғизистон Миллий хавфсизлик қўмитаси маълумот берди.
Қирғизистоннинг Иссиқкўл вилояти Қорақўл шаҳридаги 23-тергов изоляторида сақланаётган 80га яқин маҳбус 42 талаб билан очлик эълон қилди. Ҳибсхона раҳбарияти журналистларни маҳбуслар билан учраштиришдан бош тортмоқда.
Бишкекда ўтаётган Шанхай ҳамкорлик ташкилотига аъзо давлатлар ҳукумат раҳбарлари учрашувида Ўзбекистон минтақада барпо этилиши режалаштирилаётган гидроэнергетик иншоотлар лойиҳалари халқаро экспертизадан ўтказилиши шартлигини яна бир бор талаб қилди.
Қирғизистоннинг Жалолобод вилоятида 2010 йил қирғинида иштирок этганликда айбланиб бир умрлик қамоқ жазосига ҳукм қилинган яна бир ўзбекнинг иши Жалолобод вилоят судида аппеляция тартибида кўриб чиқилмоқда.
Бишкеклик ҳуқуқ ҳимоячилари фикрича, 2010 йилнинг июнида содир этилган Ўш қирғинида иштирок этганликда айбланиб икки йилдан бери қамоқда сақланаётган Дилмурод Ҳайдаровни мукофотлаш керак.
Қирғизистон парламентидаги ҳукмрон коалиция раҳбари Феликс Қулов сайлов билан боғлиқ сохтакорликка норозилик тариқасида лавозимидан истеъфога берди. У 25 ноябр куни ўтказилган маҳаллий сайловларда ўз партияси камида 90та қонунбузарлик ҳолатини қайд қилганини таъкидлади.
Европа Иттифоқининг Ташқи сиёсат ва хавфсизлик масалалари бўйича олий вакили Кэтрин Эштон бугун Қирғизистон пойтахтида Марказий Осиё давлатлари ташқи ишлар вазирлари билан учрашди.
Қирғизистонда диний экстремистликда айбланиб озодликдан маҳрум қилинганларни алоҳида қамоқда сақлашмоқчи. Расмийларга кўра, улар бошқа маҳбусларни ҳам ўз сафларига даъват қилиши бундай чора кўрилишига асос бўлган.
Бўҳронларни ўрганиш халқаро гуруҳи эксперти Прасад Конор Ўшда ўзбеклар ҳуқуқи бузилгани тўғрисидаги маълумотларни тўплагани учун Миллий хавфсизлик хизмати томонидан миллатлараро низо чиқаришга ҳаракат қилганликда айбланмоқда.
Россияда 12 ёшли қизни зўрлаган яна бир ўзбекистонликнинг иши судга ўтказиб берилди. Рус ахборот агентликларида кетма-кет эълон қилинаётган бу каби хабарлар Россия жамиятида "мухожирлар жиноятчи" деган тасаввурни пайдо қилмоқда.
Ўзбекистон фуқаролари ўзбек-қирғиз чегараси яқинида қирғизистонликлар миниб бораётган учта автомашинани тошбўрон қилди. Қирғиз расмийларига кўра, Ўзбекистон томони тошбўронда қатнашган тўрт нафар ўзбекистонликни ҳибс қилишга ваъда берган.
Қирғизистон Бош прокурори парламентни бир қатор депутатлар жиноий жавобгарликка тортилишидан огоҳлантириди. Айни пайтда парламентнинг тўрт депутати турли жиноят ишлари юзасидан ҳибсда сақланмоқда.
Қирғизистонда 2013 йилдан бошлаб мамлакатнинг ҳар бир балоғат ёшидаги фуқароси солиқ назоратига ўзининг йиллик даромадалари ҳақида мажбурий тарзда ҳисобот топширади. Қирғизистон парламенти бу борадаги қонунни қабул қилди.
Давомини ўқинг
