тел: +420 2 2112 3437 моб:+420 608 549 460
Twitter:@BarnoAnvar Facebook: Barno Anvar
Озодликка қўнғироқ қилган ургутлик суҳбатдош ўзи яшаётган туманда ер адолатли тақсимланмаётгани, бошқа қишлоқларда одамларга ер берилаётган бир пайтда ўз қишлоғида одамлар парча ерга зор бўлиб ўтирганидан шикоят қилди.
Қозоғистоннинг Олмаота шаҳрида ўзбекистонлик яна икки қочқин ҳибсга олинди. Бири қочқинлик мақомини олган Умид Ўринбоев, иккинчиси бошпана изловчи сифатида рўйхатга олинган Фазлиддин Умаровлар айни пайтда Олмаота Ички ишлар бошқармасида сақланмоқда. Улардан бири товламачиликда айбланмоқда.
Ўзбекистон ҳуқуқ ҳимоячилари алянси раҳбари VI Халқаро пахта ярмаркаси бораётган “Ўзэкспормарказ” биноси олдида 10 дақиқалик пикет ўтказди. Елена Урлаева Ўзбекистонда пахта етиштиришда болалар меҳнатидан мажбуран фойдаланишга чек қўйилишини талаб қилди.
"Эркин микрофон"нинг иштирокчиларидан бири Ўзбекистон ҳукумати диндорлар танобини тортиб турмаганда Ўзбекистонда ҳам худди Тожикистоннинг Рашт водийсидаги каби воқеалар бўлиши мумкинлигини айтиб, президент Каримов ва унинг ҳукуматига тасаннолар айтди.
“Ислом ва мусулмонлар” дастурининг бу сонида яқинда интернетда пайдо бўлган видеофилм ҳақида бўлади. Бу филмда 15 йил муқаддам Тошкент аэропортида ғойиб бўлган Абдували қори Мирзаевга нисбатан ҳуқуқ-тартибот идоралари таъқиб-тазйиқлари ҳақида гап боради.
"Эркин микрофон"га қўнғироқ қиладиган тингловчиларимиз ҳикояларига кўникма хосил қилиб бўлганмиз. Лекин чоршанба куни Тошкентдан қўнғироқ қилган Фарида опанинг ҳикояси Ўзбекистон ҳуқуқ-тартибот идоралари бедодликларининг чеки йўқлигига яна бир мисол бўлди.
Варшава марказида ЕХҲТ анжумани ўтказилаётган бино олдида 5 октябр куни хориждаги ўзбек фаоллари Қозоғистондан Ўзбекистонга экстрадиция қилинишидан хавотир билдирилаётган ўзбекистонлик 29 қочқин ҳимоясига пикет уюштирди. Пикет пайтида, номаълум шахслар уни бузишга ҳаракат қилди.
"Эркин микрофонга" қўнғироқ қилган тингловчи ва муштарийларимиз бугун ўзбек медицинаси муаммоларидан тортиб, Ўзбекистоннинг қўшни давлатлари билан муносабатларидаги муаммолар уларнинг шахсий турмушига таъсир қилаётганига оид муаммолардан гапиришди.
Тошкент шаҳридаги мактаб мутасаддиларидан бирининг сўзларига кўра, бу ҳақда Тошкент шаҳар ҳокимиятидан кўрсатма берилган. Муслима қизларнинг ота-оналари мактаблар остонасига қўйилган милиционерлар қизларидан мактаб ҳудудудига 20 метр қолганда рўмолни буткул ечиш талаб қилинаётганини айтмоқда.
Сешанба куни "Эркин микрофон"га қўнғироқ қилган суҳбатдошларимизнинг баъзилари Озодликни воқеаларни бир тарафлама ёритаётганликда танқид қилди. Ўш воқеаларида қирғизлар ҳам азият чекканини айтган ва ўзга юртда мардикорлик қилиб, Ўзбекистонни ҳадеб ёмонлаверманг, деган мухлисларимиз фикрларини ўқинг.
Навоийдаги қамоқхонадан жасади келган маҳбуснинг онаси тошкентлик Насиба Алимхўжаева билан суҳбатни ҳафта бошида эътиборингизга ҳавола қилган эдик. Ўзбекистонда қамоқхонадан маййит чиқиши тез-тез учрайдиган ҳодисага айланиб қолган ва Насиба опа каби бошига кулфат тушганлар такрор-такрор тилга оладиган саволларга жавоб топишга уриндик.
Диний айбловлар билан 6 йилга қамалган журналист Хайрулла Ҳамидовнинг онаси ўғлининг авф этилшига юз фоиз ишонишини айтмоқда. Муқаддас Ҳамидовага кўра, Хайрулла Ўзбекистон президенти номига авф этишни сўраб ёзган мактубига “авф этилсин, аммо, якуний қарорни қамоқхона маъмурияти қабул қилсин”, мазмунидаги жавоб келган.
37 ёшли Шавкат Алимхўжаевнинг жасади Навоий қамоқхонасида 22 июл куни Тошкентдаги яқинларига олиб келинди. Ўлим ҳақидаги гувоҳномада марҳумнинг организми умумий қонсизланиш туфайли вафот этгани айтилган. Лекин раҳматлик Шавкатжоннинг онаси Озодлик билан суҳбатда ўғли қийноқлар қурбони бўлганини гапириб берди.
Ўзбекистон қамоқхоналаридаги минглаб диндорларни қонли чиғириқдан ўтказаётган сиёсат, ўзбекистонлик кузатувчилар фикрича, президент Каримовнинг диндор "авторитет"лар — Тоҳир Йўлдош ва Абдували қори Мирзаевдан қўрқуви устига қурилган эди. Бугун ҳар икки шахс майдонда йўқ. Аммо сўнгги йигирма йил ичида шиддати ўсиб кетган жазо машинасини тўхтатиш имконсиз кўринади.
Мустақиллик байрам қилинаётган кунларда "Эркин микрофон"га қўнғироқ қилган тингловчи ва муштарийларимиз, Ўзбекистон президентининг айтганларини ерда қолдираётган давлат амалдорлари ҳаракатлраридан хафсалалари пир бўлаётганидан гап очишди.
Ўзбекистонда Давлат мустақиллигининг 19 йиллиги нишонланаётган 1 сентябр куни Озодлик мухбири бу байрамнинг Ўзбекистон қамоқхоналарида қандай нишонланишини сўраб, собиқ маҳбус ва яқинлари жазо муддатини ўтаётган ўзбекистонликлар билан суҳбатлашди.
Мустақиллик байрами арафасида "Эркин микрофон"га қўнғироқ қилган тингловчи ва муштарийларимиз, Ўзбекистонда ойлик маошларнинг ўртача миқдори 500 долларга чиққанини айтаётган президент халқнинг турмуши кундан кунга оғирлашиб бораётганидан бехабарда, дея аттанг қилади.
Ўзбекистон мустақиллигининг 19 йиллиги арафасида, одатдагидек, бир гуруҳ ўзбекистонликлар президент фармони билан турли даражадаги мукофот ва унвонлар билан тақдирланди. Мукофотлаш жараёнидан хабардор кузатувчилар Озодликка қаҳрамонлар қандай танланишини гапириб берди.
Ўзбекистон мустақиллигининг 19 йиллиги арафасида, одатдагидек, бир гурҳ ўзбекистонликлар президент фармони билан турли даражадаги мукофот ва унвонлар билан тақдирланди. “Ўзбекистон қаҳрамони” унвонига сазовор бўлган уч ўзбекистонликдан бири Патилахон Эргашева Озодлик саволларига жавоб берди.
Озодлик тингловчи ва муштарийларидан Ўзбекистонда мусулмонларга нисбатан тазйиқлар кучаяётгани, айниқса, Рамазон ойи амалларини бажаришга тўсиқлар яратилаётгани ҳақида кўплаб хабарлар келаётгани боис, "Ислом ва мусулмонлар" рукнида Рамазон ойи бошқа мусулмон ўлкаларида қандай ўтади, деган саволни кўтардик.
Давомини ўқинг
