Пахта-2017

“Ўзбекэнерго” пахтадаги ходимлари хавфсизлигини ҳудудий бошлиқларга юклади

“Ўзбекэнерго” акциядорлик жамияти пахта йиғим-теримига жалб қилинган ходимлари устидан назоратни кучайтириш ҳақида ўз ҳудудий бўлимларига махсус телефонограмма жўнатди. Жамият раҳбариятининг бундай шошилинч ҳаракатига, пахта тераётган ишчилардан бирининг оëғи сингани сабаб бўлган.

Ҳуқуқ фаоллари Андижонда ўқитувчилар ўқувчиларни пахтага чиқараётганини хабар қилди

Озодликнинг Андижон вилоятида қуйи синф ўқувчилари ҳам пахтага чиқарилаётгани хабари ортидан инсон ҳуқуқларини ҳимоя қилиш Альянс ташкилоти фаоли Елена Урлаева вилоятда бўлиб, у ердаги вазият билан танишиб қайтди. Улуғнор ва Балиқчи туманларида қуйи синф ўқувчиларининг пахта тераётганини суратга туширган ҳуқуқ фаолининг айтишича, болаларни ўқитувчилар далага олиб чиқяпти. Озодлик бир ҳафта аввал Балиқчи тумани қуйи синф ўқувчилари пахтага чиқарилгани ҳақида хабар берган эди.

Поездда пахта тергани жўнатилган ҳашарчилар кира қилиб уйларига қайтмоқда

Андижон вилоят ҳокими Шуҳратбек Абдураҳмоновнинг буйруғи билан Тошкент, Сирдарё вилоятларига поездда жўнатилган минглаб ҳашарчилар, пахтани териб бўлгач, ўз ёнларидан харажат қилиб уйга қайтишга мажбур бўляпти. Вилоят ҳокимлиги маҳалла раисларига ўзлари жўнатган ҳашарчиларни ўзлари пул топиб қайтариб олиб келиш топшириғини берган. Маҳалла раислари эса, уйма-уй юриб, ҳашарчиларни олиб келиш учун “кўнгилдан чиқариб” пул беришни сўраяпти.

Рашидов юбилейини унинг даврида урф бўлган "қўшиб ёзиш" билан кутиб олмоқчи бўлишди

Тошкент ва Жиззах вилоятларининг хокимлари тайинланганидан 10 ой ўтиб лавозимларидан олинди. Озодлик манбаларига кўра, ҳокимларнинг ишдан олинишига 2017 йилги пахта мавсумида ушбу вилоятларда пахта ҳосилини қўшиб ёзишга йўл қўйилгани сабаб бўлган. Мажлисда қатнашганлардан бирининг Озодликка айтишича, Жиззах ҳокими қўшиб ёзганини "Шароф Рашидовнинг юз йиллиги учун юртбоши келишига уялиб қолмаслик учун" қилинган ҳаракат сифатида изоҳлаган.

Пахта ташийдиган трактор билан содир бўлган ҳалокатда бир аёл нобуд бўлди

Фарғона вилоятининг Ёзёвон тумани ҳокимияти яқинидаги чорраҳада 30 октябрь кечқурун содир бўлган автоҳалокатда бир аёл нобуд бўлди, тўрт киши жароҳат олди. Воқеа гувоҳларининг айтишича, чорраҳада пахта ташийдиган икки прицепли тракторга Cobalt автомашинаси қаттиқ урилган. Оқибатда автомобилда бўлган бир аёлнинг боши танасидан узилиб кетган, қолганлар турли хил жароҳат билан касалхонага ётқизилган.

Андижонда бошланғич синф ўқувчиларига ҳам пахта териб келиш буюрилди

Андижон вилояти Балиқчи тумани мактабларининг бошланғич синф ўқувчилари дарсдан бўш пайтда пахта териб келишга мажбурланяпти. Ота-оналарнинг Озодликка айтишича, мактабларнинг юқори синф ўқувчиларидан беш-олти нафари ҳам пахта теримига чиқариляпти. Ўқитувчилар ҳеч қайси йили пахта теримида бундай қаттиқ сиёсат кузатилмаганини айтади.

Тошкентда пахта тераётган андижонликлар "поезд пули" ушлаб қолишаётганидан шикоят қилди

Андижон шаҳридан Тошкент вилояти туманларига пахта теримига мажбуран поездда олиб келинган теримчилар, ҳокимиятнинг йўлкира бепул бўлиши ҳақидаги ваъдаларига қарамай, улардан "поезд ҳақи" ушлаб қолинаётганидан шикоят қилди. Тошкент вилоят ҳокимлиги мулозими Озодликка теримчилар махсус поездда ташилгани ва бунинг учун теримчилардан пул олинмаслигини айтди.​

Наманганда ўқитувчиларнинг учдан бири пахтага чиқариляпти

Наманганда ўқитувчиларнинг учдан бири пахтага чиқариляпти

Наманган шаҳридаги барча мактаб ўқитувчиларининг учдан бир қисми уч ҳафтадан буён кунлик пахта теримига олиб чиқиляпти. Бундан ташқари ўқитувчиларнинг бир қисми ётоғи билан пахта теримига юборилган. Вилоят ҳокимидан бу йил пахтага чиқарилмаслик ваъдасини олган ўқитувчилар, ҳокимнинг ўз сўзида турмаганлигини айтмоқда.

Мажбуран пахтага олиб кетилаётган талаба ўзини автобусдан ташлаб юборди

Самарқанд давлат университетининг ижтимоий-иқтисодиёт факультети талабаси Дилкаш Хуррамов Пастдарғом туманига пахта теримига мажбуран олиб кетилаётган пайтда автобусдан ўзини ташқарига улоқтирган. Бу ҳақда Озодликка хабар берган талабаларнинг айтишларича, Дилкаш Хуррамов бир қанча жароҳатлар билан касалхонага ётқизилган.

Пахта режасини бажаришда сусткашлик қилаётган фермерлар тунни қамоқда ўтказди

Шаҳрисабз туман ҳокимлиги пахта штабидаги мулозимлар пахта режасини бажармай, бозорда бодринг сотаëтган фермерларни 18 октябрь кунги пахта теримига бағишланган мажлисда танқид қилишди. Бу танқид ортидан бир неча фермер тунни Шаҳрисабз туман ИИБ изоляторида ўтказган. Улар орасида  аëл фермерлар ҳам бор.