СССР Халқ артисти¸ таниқли киночи 87 яшар Шуҳрат Аббосов Озодлик билан суҳбатда бу йилги 9 май байрами аввалгилардан ўзгача бўлганлигини айтди. Суҳбатдошга кўра, “Сен етим эмассан”¸ “Тошкент - нон шаҳри” каби у суратга олган кинолар 9 май куни қайта-қайта Ўзбекистон телеканалларида намойиш қилинган.
- 25 йил намойиш қилинмаган киноларимни ўзбек телеканаллри қаторасига қўйиб ëтишибди. Илгари ҳеч ким ҳабаримни олмаган бўлса ҳозир кунора телевидение ва радиога чақиришяпти. Ҳурсандман¸ дейди таниқли киночи.
Суҳбатдош айниқса “Шомаҳмудовлар оиласи” ҳайкалининг марказга қайтганидан хушнудлигини изҳор қилди.
Шомаҳмудовлар оиласи ҳақида режиссёр Шуҳрат Аббосов “Сен етим эмассан” фильмини суратга олган эди.
- Бу фильм ўз вақтида танқидга учраган. Совет мулозимлари нега нонга навбат кутаëтганларни кўрсатдинг, деб мени тергашган. Холбуки, ўзим нон очередида турганман. Оч қолиб кунжара ҳам еганман, деди таниқли киночи.
