Кобул шаҳрининг дипломатик ваколатхоналар жойлашган мавзесида 31 октябрь куни содир бўлган кучли портлашдан камида 3 киши нобуд бўлди, 15 киши яраланди.
Афғонистон ички ишлар вазирлиги бу воқеа тўғрисидаги хабарларни тасдиқлади.
Ҳужум учун масъулиятни “Ислом давлати” экстремистик гуруҳи ўз зиммасига олди.
Афғонистон Мудофаа вазирлиги мулозими Давлат Вазирийга кўра, ҳужум қилган худкуш шахс мотоциклда бўлган. “У биринчи назорат-ўтказиш постидан ўтишга муваффақ бўлган, лекин иккинчи постда тўхтатилган ва шу пайт портлаш содир бўлган”, деди мулозим.
