Олий Мажлис Сенатининг 18 март куни бўлиб ўтган бешинчи ялпи мажлисида қайд этилишича, эрта никоҳ кўрсаткичи 2023 йилга нисбатан 7 бараварга ортган.
“Маълумотлар шуни кўрсатиб турибдики, эрта никоҳлар қизларни ихтиёрисиз равишда, ота-оналар ёки қариндошларнинг босими остида бўлмоқда. Бу борада қандай янги тизим ва таъсирчан чоралар кўрилмоқда?” дея Оила ва хотин-қизлар қўмитаси вакилини саволга тутган сенатор Гулнора Маъруфова.
“Ўрганишларда никоҳларнинг 70 фоизида ота-она сабабчи эканлиги, 26 фоизда эрта турмуш қуришга сабаб севги-муҳаббат кўрсатилган, 3,4 фоизда эса ҳомила билан боғлиқ экани қайд этилган. Қолган 1,5 фоиз ҳолат диний қарашлар билан изоҳлаган”, дея мавжуд вазият юзасидан изоҳ берган Оила ва хотин-қизлар қўмитаси раиси ўринбосари Мукаррам Нурматова.
Мулозимага кўра, бу каби ҳолатларни камайтириш учун Маъмурий жавобгарлик тўғрисидаги кодекснинг 47-3-моддасида назарда тутилган жаримани ошириш таклиф қилинмоқда.
Олдинроқ , Equality Now халқаро инсон ҳуқуқлари ташкилоти Ўзбекистонни эрта никоҳ муаммоси мавжуд давлатлар рўйхатига киритганди.
