тел: +420 2 2112 3387 mobile:+420 605 562 270 (шошилинч хабарлар) twitter: khurmatb skype: khurmatskype facebook:Khurmat Babadjanov
Toshkent shahar Chilonzor tumani militsiyasi poytaxtdagi 164-sonli maktabda jismoniy tarbiya o‘qituvchisi 1-sinf o‘quvchisini kaltaklagani yuzasidan tergov olib bormoqda. O‘quvchining onasi da’vosicha, o‘qituvchi farzandini so‘nggi bir oy ichida kamida ikki marta ayovsiz kaltaklagan.
Тошкент шаҳар Чилонзор тумани милицияси пойтахтдаги 164-сонли мактабда жисмоний тарбия ўқитувчиси 1-синф ўқувчисини калтаклагани юзасидан тергов олиб бормоқда. Ўқувчининг онаси даъвосича, ўқитувчи фарзандини сўнгги бир ой ичида камида икки марта аёвсиз калтаклаган.
Namangan viloyatidan Jizzaxning Mirzacho‘l tumani dalalariga paxta terimiga poezdda olib kelingan terimchilar sovuqda boshpanasiz, yeguliksiz qolgani haqida shikoyat qildi.
Наманган вилоятидан Жиззахнинг Мирзачўл тумани далаларига пахта теримига поездда олиб келинган теримчилар совуқда бошпанасиз, егуликсиз қолгани ҳақида шикоят қилди.
Surxondaryoning Termiz shahrida 17 yoshli kollej o‘quvchisi homilador ekani aniqlangach uyining molxonasida osilgan xolda topildi. Qizning ammasi Ozodlik bilan suhbatda nomusidan ayrilgan jiyani isnodga qolishdan qo‘rqib o‘z joniga qasd qilganini aytdi.
Сурхондарёнинг Термиз шаҳрида 17 ёшли коллеж ўқувчиси ҳомиладор экани аниқлангач уйининг молхонасида осилган холда топилди. Қизнинг аммаси Озодлик билан суҳбатда номусидан айрилган жияни иснодга қолишдан қўрқиб ўз жонига қасд қилганини айтди. Милиция қизининг номусини топтаган шахсни жазога тортишни пайсалга солинаётганини айтган аёл жавобгарни тезроқ топиб, жазога тортишни талаб қилди.
Navoiy viloyatining Nurota tumanida yo‘l-transport hodisasi sodir etib, 1 kishining o‘limiga sababchi bo‘lgani gumonlanayotgan militsiya zobitini tuman huquq-tartibot idoralari qidiruvga bergan. Shu yilning fevral oyida Nurota-Navoiy qo‘lida ro‘y bergan avtohalokat ortidan uy qamog‘iga olingan profilaktika inspektori Aziz O‘razov 18 sentabr kungiga belgilangan ochiq sudga kelmagach sud unga nisbatan qidiruv e’lon qilish haqida ajrim chiqargan.
Навоий вилоятининг Нурота туманида йўл-транспорт ҳодисаси содир этиб, 1 кишининг ўлимига сабабчи бўлгани гумонланаётган милиция зобитини туман ҳуқуқ-тартибот идоралари қидирувга берган. Шу йилнинг феврал ойида Нурота-Навоий қўлида рўй берган автоҳалокат ортидан уй қамоғига олинган профилактика инспектори Азиз Ўразов 18 сентябр кунгига белгиланган очиқ судга келмагач суд унга нисбатан қидирув эълон қилиш ҳақида ажрим чиқарган.
O‘zbekistonda gaz ballonlar bilan jihozlangan avtomobillar va gaz to‘ldirish shoxobchalarini yoppasiga xatlovdan o‘tkazish boshlangan. Xatlov o‘tgan hafta Buxoroda besh kishi o‘limiga sabab bo‘lgan avtobus portlashi hodisasi ortidan amalga oshirilmoqda.
AQSh Mehnat departamenti “Bolalar mehnati yoxud majburiy mehnatdan foydalangan holda ishlab chiqarilgan tovarlar ro‘yxati”ni – e’lon qildi. Bu ro‘yxatda dunyodagi 76 mamlakatda ishlab chiqarilgan 148 ta mahsulot o‘rin olgan. Bu yil O‘zbekiston paxtasi ushbu ro‘yxatdan o‘chirildi.
Ўзбекистонда газ баллонлар билан жиҳозланган автомобиллар ва газ тўлдириш шохобчаларини ёппасига хатловдан ўтказиш бошланган. Хатлов ўтган ҳафта Бухорода беш киши ўлимига сабаб бўлган автобус портлаши ҳодисаси ортидан амалга оширилмоқда.
АҚШ Меҳнат департаменти “Болалар меҳнати ёхуд мажбурий меҳнатдан фойдаланган ҳолда ишлаб чиқарилган товарлар рўйхати”ни – эълон қилди. Бу рўйхатда дунёдаги 76 мамлакатда ишлаб чиқарилган 148 та маҳсулот ўрин олган. Бу йил Ўзбекистон пахтаси ушбу рўйхатдан ўчирилди.
Farg‘ona viloyatining Beshariq tumani Zarqaynar mahallasi aholisi vakillari tuman hokimini qabriston uchun ajratilgan yerni o‘zboshimchalik bilan egallab olib, qabrlarni oyoq osti qilgan xolda paxta va boshqa ekin ekish uchun fermer xo‘jaligiga sotib yuborganlikda ayblamoqda. Beshariq tumani yer resurslari va Davlat kadastr bo‘limining Ozodlik bog‘langan mulozimi qabriston uchun 1966 yilda ajratilgan 10 gektar yerning 4 gektari Yusupova Madina fermer xo‘jaligi balansiga o‘tgan yili qonuniy asosda o‘tkazilganini aytdi. Ozodlik bilan suhbatda bo‘lgan beshariqliklar qabriston yerining uchdan bir qismi fermer xo‘jaligiga o‘tkazilishi oqibatida qabriston atrofida sanitariya himoya zonasi buzilgani, u yerni obodonlashtirish uchun daraxt ekishga yer qolmaganidan tashvish bildirmoqda.
Фарғона вилоятининг Бешариқ тумани Зарқайнар маҳалласи аҳолиси вакиллари туман ҳокимини қабристон учун ажратилган ерни ўзбошимчалик билан эгаллаб олиб, қабрларни оёқ ости қилган холда пахта ва бошқа экин экиш учун фермер хўжалигига сотиб юборганликда айбламоқда. Бешариқ тумани ер ресурслари ва Давлат кадастр бўлимининг Озодлик боғланган мулозими қабристон учун 1966 йилда ажратилган 10 гектар ернинг 4 гектари Юсупова Мадина фермер хўжалиги балансига ўтган йили қонуний асосда ўтказилганини айтди. Озодлик билан суҳбатда бўлган бешариқликлар қабристон ерининг учдан бир қисми фермер хўжалигига ўтказилиши оқибатида қабристон атрофида санитария ҳимоя зонаси бузилгани, у ерни ободонлаштириш учун дарахт экишга ер қолмаганидан ташвиш билдирмоқда.
Давомини ўқинг
